قوناەۆ قالاسىنداعى قارتتار ۇيىندە 71 جاستاعى قاريا تىرىدەي جانىپ كەتكەن. بۇل تۋرالى Almaty.tv تەلەارناسى جاريالادى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، مۇگەدەكتىگى بار مارقۇمدى ونداعى قىزمەتكەرلەر ورتەنىپ جاتقان كەزدە ءبىر-اق كورگەن. دەنەسىنىڭ 80 پايىزىن كۇيىك شالعان اقساقال اۋرۋحانادا كوز جۇمعان. اركىم ءوزى جەكە تۇراتىندىقتان، ورتەنگەنىن كورمەگەن.
تۇرعاندا ەستىدىم، ءبىر كىسى قايتىس بولىپ كەتىپتى دەپ. كوزى دۇرىس كورمەيدى، – دەدى قارتتار ءۇيىنىڭ تۇرعىنى قابىر مۇحامەدجان.
ال «شاراپات» الەۋمەتتىك قىزمەت كورسەتۋ ورتالىعىنىڭ قىزمەتكەرلەرى كورسەتكەن بولمە ءورت بولعان جەرگە اسا ۇقساي قويمايدى. دەگەنمەن، ولار قارت بولمەسىندە تەمەكى تارتقان، سودان ءورت شىققانىن ايتادى. ءورت ساعات 21:00-دە شىققان.
ءتورت قىزمەتكەردىڭ ەكەۋى - كۇتۋشى. ولار 59 ادامنىڭ تاڭەرتەڭنەن باستاپ پامپەرسىن اۋىستىرادى. ەكى مەيىربيكە قىزمەت الۋشىلاردىڭ دەنساۋلىقتارىنا جاۋاپ بەرەدى. ول كىسى مازاسىز تەمەكى شەگەدى، ال بىزدە تەمەكى شەگۋگە تىيىم سالىنعان، – دەدى اعا مەيىربيكە جانار بايسالباەۆا.
قوناەۆ قالاسىنىڭ توتەنشە جاعدايلار باسقارماسى مەكەمەنى تەكسەرىسىپ، تالاپقا ساي كەلمەيتىن تۇستارىن كورسەتكەن. الايدا قارتتار ءۇيىنىڭ باسشىسى ەش شارا قولدانباعان.
اتالعان مەكەمە 2023 جىلى 28 تامىزدا ارنايى ۋاقىتىندا قىزمەت كورسەتەتىن كەلىسىمشارتتى كورسەتپەدى. زاڭ بۇزىلدى، ونى جويۋ ءۇشىن ەكى اي ۋاقىت بەرىلگەن. قازىر 15 پۋنكت بويىنشا ەرەجە بۇزۋ انىقتالدى. بولمەلەر اۆتوماتتى سيگناليزاتسيامەن جابدىقتالماعان، – دەدى توتەنشە جاعدايلار باسقارماسى باستىعىنىڭ ورىنباسارى دانيار شىنداۋلەتوۆ.
بۇل تۋرالى دارىگەرلەر قاريانىڭ وتە اۋىر جاعدايدا اۋرۋحاناعا تۇسكەنىن ايتادى. ءولىم اۋىزىندا جاتقان قىزمەت الۋشىنىڭ العان جاراقاتى اۋىر بولعان سوڭ، بىردەن جانساقتاۋ بولىمىنە جاتقىزعان.
دەنەسى 75-77 پايىز كۇيىپ كەتكەن. ال كۇيىك تەرەڭدىگى 2-3 اب بوپ ەسەپتەلەدى، – دەدى قالالىق كوپبەيىندى اۋرۋحانانىڭ تراۆماتولوگ دارىگەرى شەرزود نۋرۋللاەۆ.
وبلىستىق پروكۋراتۋرا قىزمەتكەرلەرى ىسكە قاتىستى قىلمىستىق ءىس قوزعالىپ، ءوز-وزىنە قول جۇمساۋعا يتەرمەلەۋ فاكتىسى بويىنشا تەرگەلىپ جاتقانىن حابارلاپ وتىر.
وسى قارتتار ۇيىندە 2023 جىلدىڭ 13 ناۋرىزىندا تاعى ءبىر قاريا اسىلىپ ولگەن.
