جاقىندا WhatsApp كيبەر شابۋىلعا تاپ بولعانىن حابارلاعان بولاتىن. وسى رەتتە ۆۆس باسىلىمى اتالعان الەۋمەتتىك جەلىدەگى قاۋىپسىزدىكتى قالاي ساقتاۋعا بولاتىنى تۋرالى ماتەريال جاريالادى. ۇقساس جاڭالىقتار Google-گە ءار سەكۋند سايىن 63 مىڭ ىزدەۋ سۇرانىسى جاسالادى بالالاردى قاۋىپتى ۆەب-كونتەنتتەن قالاي الىستاتامىز؟ - ۆۆس تسيفرلىق تەحنولوگيا پسيحيكالىق دەنساۋلىققا كەرى اسەر ەتە مە - زەرتتەۋ «وسى ايدىڭ باسىندا حاكەرلەر WhatsApp اۋديوبايلانىسى ارقىلى كەيبىر اككاۋنتتارعا شابۋىل جاساعان. ال دۇيسەنبى كۇنى WhatsApp 1,5 ميلليارد قولدانۋشىسىنا قوسىمشانى جاڭارتۋدى سۇرادى. سول ارقىلى قۇرىلعى كيبەرشابۋىلدان قورعالاتىنى دا ايتىلدى» دەي كەلە، اۆتور WhatsApp حابارلامالارى شيفرلانعانىمەن، چاتتاردىڭ رەزەرۆتى كوشىرمەسىن جاساۋدىڭ كەمشىلىكتەرى بار ەكەنىن، سوندىقتان ودان باس تارتۋ كەرەكتىگىن جازادى. «WhatsApp قوسىمشاسىندا «باپتاۋ> اككاۋنت> قۇپيالىق» دەگەن جەردە قاۋىپسىزدىككە بايلانىستى بارلىق اقپارات ساقتالعان. سول جەردە ءسىزدىڭ الەۋمەتتىك جەلىگە قاشان كىرگەنىڭىزدى، پروفيل سۋرەتىن كورە الاتىن ادامداردى شەكتەي الاسىز. سونىمەن قاتار حابارلاما وقىلعانى تۋرالى اقپاراتتى دا ءوشىرىپ تاستاۋعا بولادى»، دەپ جازادى اۆتور. ونىڭ ايتۋىنشا، كيبەرشابۋىلعا كوبىنە جۋرناليست، قۇقىق قورعاۋ ورگاندارىنىڭ وكىلى، زاڭگەر مەن قوعام بەلسەندىلەرى كوپ تاپ بولادى.
inform.kz
