اقش كونگرەسىنىڭ وكىلدەر پالاتاسى ءوز تاريحىندا العاش رەت سپيكەر، رەسپۋبليكاشىل كەۆين ماككارتيدى قىزمەتىنەن بوساتتى. وڭشىل پارتيا مۇشەلەرىنىڭ شاعىن توبى وعان قارسى شىققانىمەن، دەموكراتيالىق پارتيانىڭ داۋسى باسىم ءتۇستى، دەپ جازادى "ادىرنا".
ءسويتىپ كەۆين ماككارتيدىڭ وتستاۆكاعا كەتۋىنە 216 كونگرەسسمەن، ونىڭ ىشىندە سەگىز رەسپۋبليكاشىل، 210-ى قارسى داۋىس بەردى.
كەۆين ماككارتي سەنبىدە ۋاقىتشا بيۋدجەتتى قابىلداۋ تۋرالى كەلىسسوزدەر جۇرگىزىپ، دەموكرات دجو بايدەننىڭ مەملەكەتى مەن اكىمشىلىگى ءۇشىن "قۇلدىراۋ" قاۋپىن الىپ تاستادى جانە ءبىر ۋاقىتتا ءوزىنىڭ راديكالدى پارتيالاستارىنىڭ شامىنا ءتيدى. ولاردىڭ ءبىرى، فلوريدا وكىلى مەتت گەيتس دۇيسەنبىدە سپيكەردىڭ وتستاۆكاعا كەتۋ تۋرالى شەشىمىنىڭ جوباسىن ۇسىندى.
داۋىس بەرۋدەن كەيىن كەۆين ماككارتي گەيتستىڭ ۋاجدەرىنىڭ ءىس جۇزىندە بيۋدجەتكە ەش قاتىسى جوق ەكەنىن جانە ول جاي عانا تانىمالدىققا يە بولعىسى كەلەتىنىن ايتتى.
ماككارتي سونىمەن قاتار سپيكەرلىككە قايتا تۇسۋگە نيەتى جوق ەكەنىن ايتتى.
دەموكراتيالىق پارتيانىڭ فراكتسياسى كوپ ويلانباستان، سپيكەردى قۇتقارماۋعا شەشىم قابىلدادى جانە وتستاۆكاعا كەتۋگە داۋىس بەردى.
