ستەند اتۋدان قازاقستان ايەلدەر قۇراماسى ازيا ويىندارىنىڭ-2022 قولا مەدالىن جەڭىپ الدى، دەپ حابارلايدى "ادىرنا" ءتىلشىسى.
قىتايدىڭ حانچجوۋ قالاسىندا ءوتىپ جاتقان 2022 جىلعى ازيا ويىندارىندا ستەند اتۋدان قازاقستان ايەلدەر قۇراماسى قولا جۇلدەنى جەڭىپ الدى.
"تراپ" بويىنشا كوماندالىق جارىستا ەلىمىزدىڭ سپورتشىلارى ءۇشىنشى ورىنعا جايعاستى. ماريا دميتريەنكو، ايجان دوسماعامبەتوۆا جانە اناستاسيا پريلەپينا 328 ۇپاي جيناپ، قولا جۇلدەگە يە بولدى.
مارە سىزىعىنا ءبىرىنشى بولىپ قىتايلىق مەرگەندەر جەتتى. ولاردىڭ ەنشىسىندە 351 ۇپاي.
ال ەكىنشى ورىنعا ءۇندىستان 337 ۇپايمەن يە بولدى.
ايتا كەتەيىك، قازاقستان قۇراماسىنىڭ قورجىنىندا ازىرگە 27 مەدال بار. ءبىزدىڭ سپورتشىلار ءۇش التىن، ءتورت كۇمىس جانە 20 قولا مەدال جەڭىپ الدى.
مەدال جيىنتىعى بويىنشا ەلىمىز 11-ءشى ورىندا تۇر.
ۇقساس جاڭالىقتار
