ەۋروپالىق وداق TikTok پلاتفورماسىنا 368 ملن دوللار ايىپپۇل سالدى. وداقتىڭ كورسەتۋىنشە، TikTok پلاتفورماسى بالالاردىڭ جەكە دەرەكتەرىن وڭدەۋ بويىنشا قۇپيالىلىق زاڭدارىن بۇزعان. ايىپپۇل سوماسى 345 ملن ەۋرونى ($368 ملن) بولدى، دەپ حابارلايدى "ادىرنا" ۇلتتىق پورتالى.
Euronews TikTok-تىڭ 2020 جىلدىڭ 31 شىلدەسى مەن 2020 جىلدىڭ 31 جەلتوقسانى ارالىعىندا ەو-نىڭ قۇپيالىلىق تۋرالى بىرقاتار زاڭدارىن بۇزعانىن جازدى. بۇل جايلى يرلانديانىڭ دەرەكتەردى قورعاۋ كوميسسارى (DPC) مالىمدەمەسىندە ايتىلدى.
TikTok-تىڭ شتاب-پاتەرى دۋبليندە ورنالاسقان. سونىمەن قاتار ەو اتىنان ارەكەت ەتەتىن يرلانديالىق دەرەكتەردى قورعاۋ كوميسسياسى الەۋمەتتىك مەديا الىبىن ءوز قىزمەتىن ءۇش اي ىشىندە ەرەجەلەرگە سايكەس كەلتىرۋگە مىندەتتەدى.
ايىپپۇل 2020 جىلدىڭ شىلدەسى مەن جەلتوقسان ايلارى ارالىعىندا جاسالعان بۇزۋشىلىقتار تۋرالى ەكى جىلدىق تەرگەۋدەن كەيىن سالىنىپ وتىر.
رەتى كەلگەندە اقپارات كوزدەرىنە سۇيەنە وتىرىپ ايتا كەتەيىك، بۇعان دەيىن TikTok الەۋمەتتىك جەلىسىنە 2019 جىلى اقش شامامەن 5 ميلليون دوللار، ال نيدەرلاندى 2021 جىلى 750 مىڭ ەۆرو ايىپپۇل سالعانى حابارلانعان. وتكەن جىلدىڭ ءساۋىر ايىندا ۇلىبريتانيا وسىنداي قۇقىق بۇزۋشىلىقتار ءۇشىن شامامەن 15 ميلليون ەۆرو ايىپپۇل سالدى.
"ادىرنا" ۇلتتىق پورتالى
ۇقساس جاڭالىقتار
