سىبايلاس جەمقورلىققا قارسى قىزمەت جەمقورلاردىڭ جاريا ءتىزىمىن ەنگىزۋدى جوسپارلاپ وتىر، دەپ حابارلايدى «ادىرنا» ءتىلشىسى.
اگەنتتىكتىڭ مالىمدەۋىنشە، تىزىمدە جەمقورلىق ءۇشىن سوتتالعان ادامنىڭ بارلىق دەرەكتەرى قامتىلادى.
«بۇل جۇمىس بەرۋشىلەرگە الەۋەتتى ۇمىتكەردى تازالىق پەن ادالدىققا تەكسەرۋگە مۇمكىندىك بەرەدى.
جەمقورلىققا قارسى ساياساتتى جەتىلدىرۋگە باعىتتالعان زاڭنامالىق باستامالار شىعىس قازاقستان وبلىسىنداعى سىبايلاس جەمقورلىققا قارسى ءىس-قيمىل اگەنتتىگىنىڭ قوعامدىق كەڭەسىنىڭ وتىرىسىندا ايتىلدى.
جەمقورلىق قۇقىق بۇزۋشىلىقتار جاساعانى ءۇشىن زاڭدى تۇلعالاردىڭ جاۋاپكەرشىلىگىن كۇشەيتۋ ۇسىنىلدى.
سونداي-اق، پارلامەنتتە پارا بەرۋ ۋادەسى مەن ۇسىنىسىن كريميناليزاتسيالاۋ ماسەلەسى قارالۋدا»،—دەپ ءتۇسىندىردى انتيكور.
