اتىراۋلىق ەكى كومپانيانىڭ قۇرىلتايشىلارى ۇلەسكەرلەردى 650 ميلليون تەڭگە الداعانى ءۇشىن قاماۋعا الىندى، دەپ حابارلايدى "ادىرنا" اتىراۋ وبلىستىق پروكۋراتۋرانىڭ ءباسپاسوز قىزمەتىنە سىلتەمە جاساپ.
«اتىراۋ وبلىسىندا ۇلەستىك تۇرعىن ءۇي قۇرىلىسىنا 650 ميلليون تەڭگە ينۆەستيتسيالاعان 30-دان استام ازاماتتىڭ قاراجاتىن زاڭسىز الدى دەگەن كۇدىككە ىلىنگەن «Nazik group» جشس مەن «Andorra Construction» جشس قۇرىلتايشىلارىنا قاتىستى سوتقا دەيىنگى تەرگەۋ باستالعان. كۇدىكتىلەردىڭ ارەكەتتەرىنەن ۇلەسكەرلەر ەكى جىل وتسە دە ءالى باسپانا الا الماي كەلەدى. اتالعان سەرىكتەستىكتەردىڭ قۇرىلتايشىلارى سوت سانكتسياسىمەن قاماۋعا الىندى»، - دەلىنگەن حابارلامادا.
پروكۋراتۋرا «ءار ازامات قىراعى بولۋى كەرەك جانە وبەكتيۆتى اقپارات الۋ ءۇشىن جەرگىلىكتى اتقارۋشى ورگانداردىڭ دەپارتامەنتىنە نەمەسە قۇرىلىس بولىمىنە حابارلاسۋ قاجەت» دەپ اتاپ ءوتتى.
قازاقستان رەسپۋبليكاسى قىلمىستىق كودەكسىنىڭ 201 بابىنا سايكەس تەرگەۋ مۇددەسىندە وزگە دە اقپارات جاريا ەتىلمەيدى.
ۇقساس جاڭالىقتار
