مەملەكەتتىك دۋما دەپۋتاتتارى رەسەي فەدەراتسياسىنىڭ يۋنەسكو-دان شىعۋ مۇمكىندىگىن قاراستىرۋدى ۇسىندى، دەپ حابارلايدى «ادىرنا» ءتىلشىسى.
دۋمانىڭ ۆيتسە-سپيكەرى پەتر تولستوي ءبىلىم، عىلىم جانە مادەنيەت ماسەلەلەرىمەن اينالىساتىن بۇل حالىقارالىق ۇيىمدى «ساياساتتاندىرىلعان» دەپ اتادى.
«بايكالدىڭ تۋريستىك دامۋى ءۇشىن ورمانداردى كەسۋگە رۇقسات بەرەتىن زاڭ جوباسىن ازىرلەدىك. الايدا ونى يۋنەسكو ماماندارىنىڭ سىنعا الۋى رەسەيدىڭ ىشكى ىستەرىنە ارالاسۋ بولىپ سانالادى»،—دەدى ول.
ۆيتسە-سپيكەر باتىس رەسەيدىڭ «فەنومەنالدى تۋريستىك مۇمكىندىكتەرىن» دامىتۋعا كەدەرگى جاساعىسى كەلەتىنىنە سەنىمدى.
ايتا كەتەيىك، 2023 جىلدىڭ شىلدەسىندە مەملەكەتتىك دۋما دەپۋتاتتارى ايماقتىڭ «تۋريستىك دامۋى» ماقساتىندا 2030 جىلدىڭ 31 جەلتوقسانىنا دەيىن بايكال كولىندەگى ورمانداردى كەسۋگە رۇقسات بەرەتىن زاڭعا ءبىرىنشى وقىلىمدا داۋىس بەرگەن بولاتىن.
