اقىننىڭ شىن اتى-ءجونى – ايان قالىمبەك. الەۋمەتتىك جەلىلەردە ءوزىن "اقىنكەلدى" دەپ تانىساتىراتىن ول قوعامداعى كوزگە ۇرىپ تۇرعان كەمشىلىكتەردى وسىنداي جولمەن قالىڭ كوپشىلىككە جەتكىزگىسى كەلەتىنىن ايتادى.
اقىننىڭ جەلىدەگى پاراقشاسىندا جاريالانعان مىنا ءبىر اتىشۋلى ۆيدەودا ول تەمىرجولدىڭ "قىلمىسى" ۇستىنەن تۇسكەن. وندا جولسەرىك ادامداردى پويىزعا شەلەك قويىپ شىعارىپ جاتىر ەكەن. ولاردىڭ قاسىنا جەتىپ كەلگەن اقىن ءوزىنىڭ جىر شاشۋىن بىلايشا توگىپ جىبەردى:
وسكەمەن – شىعىستاعى گۇلدى قالا،ال مىنا ۆوكزال بولعان ءتۇردى قارا.
پويىزعا مىنەتۇعىن پەررونى جوق،
باسشىلار ءبىر پايدالى ءىس تىندىرا ما؟
ۆاگوننىڭ بيىگىنە ورمەلەگەن،
قاريالار جامباستارىن سىندىرا ما؟
قويىپ قويعان ورىندىق، شەلەگى نە؟
مۇنداي جەرگە تۋريستەر كەلەدى مە؟
ۆوكزال دەگەن قالانىڭ بەت-بەينەسى،
مۇنداي سوراقىلىقتىڭ سەبەبى نە؟
جولاۋشى مەن قوناقتان ۇيات بولدى-اۋ،
باسشىلار قۇلاق سالعىن ولەڭىمە... دەپ جىرلايدى.
ۆوكزالداعى قارا-قۇرىم حالىق اقىننىڭ ايتقاندارىمەن باس شۇلعىپ كەلىسىپ، وعان قول شاپالاقتاپ ءوز قولداۋىن ءبىلدىردى.
اقىنكەلدى الداعى ۋاقىتتا دا عايىپتان پايدا بولىپ ايتىپ-ايتىپ كەتەتىن الەۋمەتتىك جەلىلەردەگى شىعارماشىلىعىن جالعاستىرا بەرمەكشى.
Sputnik
