وزدەرىڭىزگە بەلگىلى، ءۇستىمىزدەگى جىلدىڭ 5 شىلدەسىنەن باستاپ «Big City Market» جشس «التىن وردا» بازارىن باسقارۋشى كومپانيا رەتىندە ءوز جۇمىسىن باستادى. جاڭا باسشىلىق كەلگەلى بازارعا قاتىستى قوعامدا دۇربەلەڭ تۋدىرعان جالعان اقپارات تارادى. وسىعان بايلانىستى اتالعان كومپانيا ديرەكتورى دانيار دۇزباەۆ كاسىپكەرلەرگە جاڭا باسشىلىق تۋرالى اقپارات بەرىپ، الەۋمەتتىك جەلىدە تاراپ جاتقان مالىمەتتەردى جوققا شىعاردى. قازىر «التىن وردا» بازارى ادەتتەگىدەي تارتىپپەن جۇمىس ىستەپ تۇر.
كومپانيا زاڭگەرى ءىزباسار وتەۋلين باسشىلىقتىڭ اۋىسۋىنا بايلانىستى بازار باقىلاۋشىلارىن جانە باسقا دا جۇمىسكەرلەردى جۇمىستان سەبەپسىز بوساتۋ بولمايتىندىعىن اتاپ ءوتتى. بۇگىندە بۇرىننان ىستەپ جۇرگەن قىزمەتكەرلەردىڭ 80 پايىزى جاڭا باسشىلىقپەن ەڭبەك كەلىسىم-شارتىنا وتىرعان. ال بازاردى كۇزەتۋ قىزمەتى قولعا الىنىپ، تارتىپسىزدىككە جول بەرىلمەيدى. بۇگىندە بازار اۋماعىندا 13 كۇزەت بەكەتى جۇمىس ىستەيدى، وعان قوسا 80-گە جۋىق كامەرا ورناتىلعان. جاقىن ارادا ولاردىڭ سانىن 300-گە جەتكىزۋ جوسپاردا بار.
بازار باسشىلىعىنىڭ مالىمەتىنشە، كاسىپكەرلەرگە بار جاعداي جاسالادى. ساۋدا ورنىن جالعا بەرۋ باعاسىنىڭ وسپەيتىندىگىن ەسكەرتىپ، باقىلاۋشىلار تاراپىنان زاڭسىزۇستەمەاقى تالاپ ەتۋ سياقتى ارەكەتتەردىڭ بولمايتىندىعى ايتىلدى. سونىمەن قاتار، №2پاۆيلونعا كونديتسيونەر ورناتۋ، ينتەرنەتءتى جاقسارتۋ شىلدە ايىنىڭ سوڭىنا دەيىن شەشىلەتىندىگى بەلگىلى بولدى. «التىن وردا» بازارىن مودەرنيزاتسيالاۋ اياسىندا كولىكتەردىڭ كىرىپ-شىعۋىنا ارنالعان اۆتوماتتى تۇردە اشىلاتىن شلاگباۋم ورناتىلىپ، كولىك تۇراعى رەتتەلمەك.
جيىنعا قاتىسقان جەكە كاسىپكەر جانار ەرجانوۆا بازاردا 22 جىل جۇمىس ىستەيتىندىگىن جانە ولاردىڭ تاراپىنان ەشقانداي شاعىم جوق ەكەنىن جەتكىزدى. «اي سايىن جالعا الۋ قۇنىن ۋاقىتىلى تولەپ وتىرامىز. قازىرگى ۋاقىتتا ءبىزدىڭ قاتاردا ەشقانداي داۋلى ماسەلە تۋىنداپ جاتقان جوق»، - دەيدى جانار ەرجانوۆا.
بازاردىڭ ىشكى باقىلاۋ قىزمەتىنىڭ باقىلاۋشىسى اسقار نۇرعاليەۆ ءوز سوزىندە: «قىزمەت اتقارىپ كەلە جاتقانىما ءبىرشاما جىلدىڭ ءجۇزى بولدى، ەل-جۇرت ايتىپ جۇرگەن سالافيزم، ءدىني ناسيحات تۋرالى ەشتەڭە بايقاعان جوقپىن. بازار قالىپتى جۇمىس اتقارۋدا. ساۋداگەرلەر مەن باقىلاۋشىلار اراسىندا سەكسەن پايىزى بۇرىننان جۇمىس ىستەپ كەلە جاتقان ادامدار، ولاردىڭ ەشبىرى جۇمىستان سەبەپسىز قۋىلعان جوق، ءالى كۇنگە ادال ەڭبەكتەرىن جالعاستىرىپ جاتىر»، - دەپ، بازار احۋالىن مالىمدەدى.
ەستەرىڭىزگە سالا كەتەيىك، 2022 جىلدىڭ 22 ساۋىرىنەن باستاپ «Altyn Orda New Company» جشس «التىن وردا» بازارىن باسقارىپ كەلدى. وسى ۋاقىت ىشىندە بازاردا وليگوپوليا ورناعان جانە ولاردىڭ جۇمىسىن ەشكىم باقىلاۋعا الماعان. ياعني باسقارۋشى كومپانيا وتىرعان ءبىر وتباسى مۇشەلەرى زاڭعا قارسى ارەكەتتەرگە بارىپ، كاسىپكەرلەرگە كەدەرگىلەر كەلتىرگەن، ولاردان زاڭسىز ۇستەمەاقى تالاپ ەتكەن. بۇل ازىق-تۇلىك باعاسىنىڭ نەگىزسىز قىمباتتاۋىنا اكەپ سوقتى. سونىمەن قاتار، باس پروكۋراتۋرا مەن مەملەكەتتىك ورگانداردىڭ تەكسەرۋى كەزىندە بازاردا سانيتاريالىق، ۆەتەريناريالىق، ەكولوگيالىق، سۋ، ەڭبەك، ساۋلەت-قۇرىلىس، ورتكە قارسى، سالىقتىق باقىلاۋ، جانە باسەكەلەستىكتى قورعاۋ بويىنشا 300-دەن استام زاڭ بۇزۋشىلىقتار انىقتالعان. وسىعان بايلانىستى ماۋسىم ايىندا قر پرەمەر-ءمينيسترى ءاليحان سمايىلوۆتىڭ توراعالىعىمەن ورتالىق مەملەكەتتىك ورگاندار، الماتى قالاسى مەن الماتى وبلىسىنىڭ اكىمدىكتەرىنىڭ قاتىسۋىمەن ارنايى كەڭەس وتكىزىلىپ، «التىن وردا» بازارىندا انىقتالعان بارلىق زاڭ بۇزۋشىلىقتاردى جويۋ تالاپ ەتىلدى. تاپسىرما بويىنشا «التىن وردا» بازارىنىڭ قۇرىلتايشىلارىنىڭ كەلىسىمىمەن باسقارۋشى كومپانيانى اۋىستىرۋ جونىندە شەشىم قابىلدانىپ، 2023 جىلدىڭ 5 شىلدەسىنەن باستاپ باسقارۋشى كومپانيا رەتىندە«Big City Market» جاۋاپكەرشىلىگى شەكتەۋلى سەرىكتەستىگى وز جۇمىسىن باستادى.
«التىن وردا» بازارىنا قاتىستى جالعان قاۋەسەتتەرگە سەنبەۋلەرىڭىزدى سۇرايمىز. قوسىمشا سۇراقتارىڭىز بولسا +7 (747) 6826772, +7 (708) 600 7885 نومىرلەرىنە حابارلاسۋعا بولادى.
قۇرمەتپەن،
«التىن وردا» بازارىنىڭ باسقارۋشى كومپانياسى - «Big City Market» جشس باسپاسوز حاتشىسى ديانا مۇحيتقىزى.
