2023 جىلدىڭ 13 شىلدەسىندە تۇركىستان وبلىسى، سارىاعاش اۋدانى، جىبەك جولى (چەرنياەۆكا) اۋىلىندا 2018 جىلى تۋعان، بەس جاسار ءبۇلدىرشىن قىزدى ايۋاندىقپەن زورلاپ، ولتىرگەن وقيعا تىركەلدى، دەپ حابارلايدى Adyrna اقپاراتتىق پورتالى پوليتسيا دەپارتامەنتىنە سىلتەپ.
بۇرىن ادام ولتىرگەنى ءۇشىن قر قك-ءنىڭ 106-بابى بويىنشا سوتتالعان، سونىمەن قاتار ناشاقورلارعا قاتىستى پروباتسيالىق باقىلاۋدا تۇرعان 1975 ج.ت. ازامات كۇدىكتى رەتىندە قاماۋعا الىندى.
تۇركىستان وبلىستىق پوليتسيا دەپارتامەنتىنىڭ ءباسپاسوز قىزمەتى 13 شىلدەدە سارىاعاش اۋداندىق پوليتسيا بولىمىنە جەرگىلىكتى تۇرعىن كامەلەتكە تولماعان قىزىنىڭ جوعالىپ كەتكەنى تۋرالى ارىز جازعانى، جەدەل-ىزدەستىرۋ ءىس-شارالارى بارىسىندا پوليتسيا قىزمەتكەرلەرى اۋىل تۇرعىندارىنىڭ ءبىرىنىڭ ۇيىنەن دەنە جاراقاتى بار قىزدىڭ دەنەسىن تاپقانى، بۇل فاكت قر قك-ءنىڭ 99-بابى “ادام ءولتىرۋ” بويىنشا تىركەلگەنى تۋرالى رەسمي اقپارات تاراتتى.
قازىر كۇدىكتى سارىاعاش اپب-عا جەتكىزىلىپ، قاماۋعا الىنعان. بارلىق جاعدايلار انىقتالۋدا.
وقيعا اۋىل تۇرعىندارىنىڭ نارازىلىعىن تۋدىرعان. ولار كۇدىكتىنى حالىقتىڭ قولىنا بەرۋدى سۇراعان. ولار 13 شىلدە كۇنى كەشكە جينالعان.
اۋىل ادامدارىنىڭ نارازىلىعىن پوليتسيا دەپارتامەنتىنىڭ ءباسپاسوز قىزمەتى دە جوققا شىعارمادى. پوليتسيا قازىرگى جاعدايدا ەلدىڭ تارقاپ، اۋىلدىڭ باقىلانعانىن حابارلادى.
