اۋىل شارۋاشىلىعى ءمينيسترى ەربول قاراشۇكەەۆ شىعىس قازاقستان وبلىسىنىڭ بۇرىنعى اكىمى دانيال احمەتوۆتىڭ قىزى مەملەكەتتەن سۋبسيديانى قالاي الدى دەگەن سۇراققا جاۋاپ بەردى، - دەپ حابارلايدى "ادىرنا" ءتىلشىسى.
ۇكىمەت وتىرىسىندا جۋرناليستەر اۋىل شارۋاشىلىعى مينيسترلىگىنىڭ باسشىسىنان احمەتوۆتىڭ قىزىنىڭ اگروكومپانياسى بيزنەستى دامىتۋعا سۋبسيديانى قالاي العانىن سۇرادى.
"دانيال كەنجەتايۇلىنىڭ قىزى العان سۋبسيدياعا قاتىستى. ول پاۆلودار وبلىسىندا سۋبسيديا العان جالعىز جەكە كاسىپكەر. ول سۋبسيديانى قالاي الدى؟" – دەپ سۇرادى جۋرناليستەر.
"51 مىڭ (كاسىپكەر. - ەسكەرتۋ) مەملەكەتتىك ستوماتيا جۇيەسىندە تىركەلگەن. بارلىق اۋىلشارۋاشىلىق تاۋار وندىرۋشىلەرى ءوز جەرلەرىن، مالىنىڭ بار-جوعىن كورسەتەدى، اكەڭ نەمەسە شەشەڭ كىم ەكەنىن ەشكىم سۇرامايدى. جۇيە وبەكتيۆتى تۇردە قارايدى: نەگىز بار بولسا، ولار وسى نەگىزدەر ءۇشىن تولەنەدى، اقشا بولماسا – كەزەككە قويىلادى، بۇل ءبىزدىڭ جۇيەنىڭ جاڭالىع. 120 ميلليارد سۋبسيديا تولەندى، ونداعان مىڭ ادام الدى»، - دەپ جاۋاپ بەردى اۋىل شارۋاشىلىعى مينيسترلىگىنىڭ باسشىسى.
"دەمەك، دانيال احمەتوۆتىڭ قىزى سۋبسيدياعا مۇقتاج جانداردىڭ ءبىرى ەكەن؟ مينيستر رەتىندە بۇل قالىپتى جاعداي دەپ ويلايسىز با؟" – دەدى جۋرناليستەر.
"مەن مينيستر رەتىندە اۋىلشارۋاشىلىق تاۋارىن وندىرۋشىلەردى ەكىگە بولمەۋىم كەرەك: ولاردىڭ اكەسى كىم، شەشەسى كىم، ولاردىڭ جاعدايى قانداي. بىزدە زاڭدار مەن ەرەجەلەر بار، تالاپتار بار. ءبىز، تۇپتەپ كەلگەندە، قۇقىقتىق مەملەكەتتە ءومىر ءسۇرىپ جاتىرمىز. اڭگىمەنى كىمنىڭ اتا-اناسى ەكەنى تۋرالى باستاساق... بۇل بەيبەرەكەتسىزدىك. ەڭ باستىسى، زاڭدى نەگىزدەمە بولدى ما، جوق پا، سوعان قارايمىز» - دەدى مينيستر.
جۋرناليستەر مينيستردەن زاڭدى نەگىزدەردىڭ بار-جوعىن تەكسەرۋدى سۇرادى.
