بەلگىلى عالىم، بيولوگيا عىلىمدارىنىڭ دوكتورى كەلىس جايلىباي 88 جاسقا قاراعان شاعىندا ومىردەن وزدى، دەپ جازادى "ادىرنا" ءتىلشىسى. بۇل تۋرالى جۋرناليست كەرىمبەك جىلبەك Facebook پاراقشاسىندا جازدى.
كەلىس نۇرماشۇلى (1936 جىلى تۋعان) – عالىم، بيولوگيا عىلىمىنىڭ دوكتورى، پروفەسسور.
ارعىن تايپاسىنىڭ تاراقتى رۋىنان شىققان.
قازمۋ-دى (قازۇۋ) بىتىرگەن. 1961 – 1969 ج. قازاق ەگىنشىلىك عىلىمي-زەرتتەۋ ينستيتۋتىندا عىلىمي قىزمەتكەر. 1969 – 1992 ج. قازاق كۇرىش عىلىمي-زەرتتەۋ ينستيتۋتىندا (ارال وڭىرى اگروەكولوگياسى جانە اۋىل شارۋاشىلىعىنىڭ عىلىمي-زەرتتەۋ ينستيتۋتى) اعا عىلىمي قىزمەتكەر، لاباراتوريا مەڭگەرۋشىسى. 1992 – 1997 ج. قىزىلوردا مەملەكەتتىك ۋنيۆەرسيتەتىندە دوتسەنت، 1998 جىلدان «بيولوگيا، گەوگرافيا جانە ەكولوگيا» كافەدراسىندا وقىتۋشى بولدى.
نەگىزگى عىلىمي ەڭبەكتەرى ارال وڭىرىندەگى كۇرىش داقىلىنىڭ فوتوسينتەزى جانە فوتوسينتەتيكالىق ونىمدىلىگى تەورياسى مەن كۇرىشتىڭ جاڭا سورتتارىنىڭ مورفوفيزيولوگيالىق ادىستەمەلەرىن جاساۋعا ارنالعان. تۇزدانعان جەرلەردە كۇرىش وسىرۋدىڭ سورتتىق جاڭا جەتىلدىرىلگەن تەحنولوگياسىن تۇجىرىمداپ، وندىرىسكە ەنگىزدى. جايلىباي 160 عىلىمي ەڭبەكتىڭ، ونىڭ ىشىندە 2 مونوگرافيا، 12 كىتاپشا جانە بىرنەشە ونەرتاپقىشتىق ۇسىنىستاردىڭ اۆتورى.
