مەملەكەتتىك حاتشى ەنتوني بلينكەن رەسەيدەگى جاعدايدى پولشانىڭ سىرتقى ىستەر ءمينيسترى زبيگنەۆ راۋمەن بىرگە تالقىلادى، دەپ حابارلايدى "ادىرنا" ۇلتتىق پورتالى.
ءباسپاسوز قىزمەتى حابارلاعانداي، بلينكەن پولشانىڭ ۋكرايناعا جانە ونىڭ حالقىنا تۇراقتى كومەگىن قۇپتاپ، اقش-تىڭ ۋكرايناعا قولداۋ كورسەتۋ ءۇردىسى دە وزگەرىسسىز قالاتىنىن اتاپ ءوتتى.
https://twitter.com/SecBlinken/status/1672748068150861824?ref_src=twsrc%5Etfw%7Ctwcamp%5Etweetembed%7Ctwterm%5E1672748068150861824%7Ctwgr%5E3e06ed23bb51aae9ee2b08202e40cf551336e094%7Ctwcon%5Es1_&ref_url=https%3A%2F%2Fwww.golosameriki.com%2Fa%2Fblinken-poland-russia%2F7151646.html
سونىمەن قاتار، مەملەكەتتىك حاتشى ءوز سوزىندە امەريكا قۇراما شتاتتارىنىڭ جاعداي شيەلەنىسە تۇسكەن سايىن قولداۋ كورسەتىپ، واقتاستارى جانە سەرىكتەستەرمەن بايلانىستى نىعايتا تۇسەتىنىن حابارلادى.
بۇعان دەيىن بلينكەن رەسەيدەگى جاعدايدى "ۇلكەن جەتىلىك" ەلدەرىنىڭ سىرتقى ىستەر مينيسترلەرىمەن، اتاپ ايتقاندا، كانادا، فرانتسيا، گەرمانيا، يتاليا جاپونيا جانە ۇلىبريتانيا ساياساتكەرلەرىمەن، سونداي-اق ەو-نىڭ سىرتقى ىستەر جانە قاۋىپسىزدىك ساياساتى جونىندەگى جوعارعى وكىلى جوزەپ بوررەلمەن تالقىلاعانى تۋرالى حابارلانعان بولاتىن.
كەيىننەن رەسەيدىڭ وڭتۇستىگىنەن بۇلىك جاساماققا بەكىنگەن اسكەري جاساقتار كەتىپ، تەحنيكالارىن شىعارا باستاعانى بەلگىلى بولدى.
24 ماۋسىم، سەنبىدە، اق ءۇيدىڭ ءباسپاسوز قىزمەتى اقپارات تاراتتى. اقپاراتتا تاڭ بوزىمەن پرەزيدەنت دجو بايدەن جانە ۆيتسە-پرەزيدەنت كامالا حارريس رەسەيدەگى سوڭعى وقيعالارعا نازار سالىپ، ۇلتتىق قاۋىپسىزدىك كەڭەسشىلەرى تاراپىنان قۇلاعدار بولعانى ايتىلدى.
پرەزيدەنت بايدەن سەنبى كۇنى تاڭەرتەڭ رەسەيدەگى جاعدايدى فرانتسيا پرەزيدەنتى ەممانۋەل ماكرونمەن، گەرمانيا كانتسلەرى ولاف شولتسپەن جانە ۇلىبريتانيا پرەمەر-ءمينيسترى ريشي سۋناكپەن تەلەفون ارقىلى تالقىلادى. تەلەفون ارقىلى تىلدەسكەن باسشىلاردىڭ ۋكرايناعا قولداۋىنا تانىتا تۇسەتىنى، ءارى بۇل قادامدار ورنىقتى تۇردە جالعاسا بەرەتىنى ايتىلادى.
"ادىرنا" ۇلتتىق پورتالى
