سيريادان 4 بالالى قازاقستاندىق ايەل ەلگە قايتارىلدى. اقپاراتتى سىرتقى ىستەر مينيسترلىگى راستادى، - دەپ جازادى "ادىرنا".
سىرتقى ىستەر مينيسترلىگىنىڭ رەسمي وكىلى ايبەك سمادياروۆ قازاقستان تاراپىنىڭ سۇراۋى بويىنشا سيريادان تاجىكستانعا 5 قازاقستاندىق: انا مەن ونىڭ ءتورت بالاسى اكەلىنگەنى تۋرالى اقپاراتتى راستادى. ولار قازىر قازاقستاندا.
ء"يا، راستايمىز. بىرنەشە كۇن بۇرىن كەلدى، ولار قازاقستانعا جەتتى. قازىر ولارمەن پسيحولوگتار جۇمىس ىستەپ جاتىر. مۇنىڭ بارلىعى “جۋسان” وپەراتسياسىنىڭ سالدارى. قازاقستان سيريادان ازاماتتارىمىزدى ەۆاكۋاتسيالاۋدى جالعاستىرۋدا", - دەدى ول.
"ادىرنا" ۇلتتىق پورتالى
