الماتىدا "31 مامىر" كوميتەتىنىڭ قاتىسۋشىلارى پوليتسيانىڭ جاساعان ارەكەتى جايلى حابارلادى. پوليتسيا ولاردى ساياسي قۋعىن-سۇرگىن قۇرباندارىن ەسكە الۋعا ارنالعان جوسپارلى اكتسيا قارساڭىندا ۇيلەرىنە قاماپ، قولدان كەدەرگىلەر تۋىنداتقان. بۇل جايلى "ادىرنا" ۇلتتىق پورتالى RadioAzattyq-قا سىلتەمە كورسەتە وتىرىپ حابارلايدى.
"31 مامىر" ۇيىمداستىرۋ كوميتەتى قاتىسۋشىلارىنىڭ ۇندەۋىن قۇقىق قورعاۋشى اندرەي گريشين جەتكىزدى. قوزعالىستى جاقتاۋشىلار پوليتسيانىڭ بۇل ارەكەتىن كونستيتۋتسيالىق قۇقىقتاردى بۇزۋ دەپ سانايدى.
"ۇيىمداستىرۋ كوميتەتىنىڭ بارلىق مۇشەلەرىنىڭ جولىن جاپپاۋدى تالاپ ەتەمىز. سونىمەن قاتار، ءبىر مينۋت ۇنسىزدىكتە قالۋعا، ارۋاقتاردىڭ رۋحانا قۇران باعىشتاپ شىعۋعا جانە بولشەۆيكتىك تيرانيانىڭ قۇرباندارىن ەسكە الىپ، ازا تۇتۋ شەرۋىن وتكىزۋگە كەدەرگى بولماۋىن تالاپ ەتەمىز", ― دەلىنگەن كوميتەت توراعاسى امرەكۋلوۆتىڭ اتىمەن قول قويىلعان ۇندەۋدە.
الماتى پوليتسياسى جۋرناليست، "31 مامىر" كوميتەتىنىڭ وكىلى انار اققوزىنى تاپ ءۇيىنىڭ الدىندا ۇستاپ اكەتتى.
"ادىرنا" ۇلتتىق پورتالى
