ورتالىق كوممۋنيكاتسيالار قىزمەتىندە وتكەن بريفينگتە قازاقستاننىڭ جاڭا كارتاسىن قۇراستىرۋعا قانشا قارجى كەتكەنى تۋرالى حقحاج گەودەزيا جانە كارتوگرافيا كوميتەتىنىڭ باسشىسى قاجمۇحان بەكمۇقاشەۆ باياندادى، دەپ حابارلايدى "ادىرنا" ۇلتتىق پورتالى.
«جالپى قازاقستاننىڭ، التى وبلىستىڭ اكىمشىلىك كارتاسى مەن وبلىس ورتالىقتارىنىڭ سىزبالارىنىڭ جوسپارىن جاساۋعا 56 ميلليون تەڭگە جۇمسالدى. قازاقستاننىڭ جەكە كارتاسىنا - 10 ميلليون تەڭگە كەتتى»، – دەيدى قاجمۇحان بەكمۇقاشەۆ.
تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى اسەت تۇرىسوۆ وتكەن جىلى ءۇش جاڭا ايماق قۇرىلعانىن ەسكە سالدى. ونىڭ ايتۋىنشا، وسىعان سايكەس قازاقستان رەسپۋبليكاسىنىڭ ساياسي كارتاسىن جانە جاڭا التى وبلىستىڭ تاقىرىپتىق كارتاسىن جاڭارتۋ قاجەت بولدى.
«ءبىز ۇلكەن جۇمىس اتقارىپ، قازاقستاننىڭ ساياسي-اكىمشىلىك كارتاسىن جاسادىق، شىعىس قازاقستان، الماتى، قاراعاندى وبلىستارىنىڭ كارتالارىن جاڭارتتىق، اباي، ۇلىتاۋ، جەتىسۋ وڭىرلەرىنىڭ كارتالارىن جاسادىق»، - دەدى ول.
"ادىرنا" ۇلتتىق پورتالى
