ەكىنشى دۇنيەجۇزىلىك سوعىستىڭ اياقتالعان كۇنىنە وراي ۇيىمداستىرىلعان پولشاداعى ءىس-شارادا رەسەي ەلشىنىنىڭ جولى جابىلدى. ۆارشاۆا حالقى رەسەي ديپلوماتتارىنىڭ قارسى الدىنا تۇرىپ الىپ، "راشيستەر" دەپ ايىپتادى، دەپ حابارلايدى "ادىرنا" ۇلتتىق پورتالى.
رەسەيدىڭ پولشاداعى ەلشىسى سەرگەي اندرەەۆ جانە باسقا رەسەيلىك ديپلوماتتاردىڭ "جولى جابىلدى". ۆارشاۆا قالاسى، جۆيركا مەن ۆيگۋرا كوشەلەرىندە ورنالاسقان كەڭەس ساربازدارىنىڭ مەموريالىنا گۇل شوقتارىن قويۋعا جول بەرىلمەدى. حالىقتىڭ كارىنە ۇشىراعان ديپلوماتتارعا قاتىستى ۆيدەو اقپاراتتىق كەڭىستىكتى شارلاپ كەتتى.
تاسس-تىڭ حابارلاۋىنشا، زيرات ايماعىندا جينالعان كوپشىلىك قاۋىم رەسەيلىك ديپلوماتتاردىڭ ەسكەرتكىشكە گۇل
شوقتارىن قويۋىنا كەدەرگى كەلتىرگەن.
وقيعا ورنىنان تۇسىرىلگەن ۆيدەولاردان بايقاعانىمىزداي، اندرەەۆتى ءبىر توپ ادام قورشاپ الىپ، " راشيستەر!» دەگەن سارىندا ايىپتايدى.
رەسەي ديپلوماتتارى ەشكىمنىڭ زارداپ شەكتەگەنىن ايتتى. دەگەنمەن ورىس ءتىلدى باسىلىمداردىڭ جازۋىنشا، بولعان وقيعا سالدارىنا بايلانىستى "جاعاسىن ۇستاپ وتىر".
ەسكە سالا كەتەيىك، ءبىر جىل بۇرىن دا مۇنداي جاعداي بولعان ەدى. ول كەزدە اندرەەۆ ەسكەرتكىش ايكەلىنە گۇل شوقتارىن قويۋىن قويدى، بىراق سول ساتتە ۇستىنە قىزىل بوياۋ شاشىلعان-تۇعىن.
ۇقساس جاڭالىقتار
"ادىرنا" ۇلتتىق پورتالى
