ءىرى سالىق تولەۋشىلەرگە قاتىستى جۇرگىزىلىپ جاتقان سالىقتىق اكىمشىلەندىرۋ شەڭبەرىندە «ارسەلورميتتال تەمىرتاۋ» اق-دا 2019 جىلعا كورپوراتيۆتىك تابىس سالىعى بويىنشا اۆانستىق تولەمدەر سوماسىن تومەندەتكەندىگى انىقتالدى.
بۇل تۋرالى قاراعاندى وبلىسى بويىنشا مەملەكەتتىك كىرىستەر دەپارتامەنتى مالىمدەدى، دەپ حابارلايدى "ادىرنا" ۇلتتىق پورتالى.
كامەرالدىق مونيتورينگ جۇرگىزۋ كەزىندە ناقتى ەسەپتەلگەن كورپوراتيۆتىك تابىس سالىعىنىڭ مالىمدەلگەن اۆانستىق تولەمدەر سوماسىنان 20%-دان اسىپ كەتۋى بەلگىلى بولدى. وسىعان بايلانىستى اقبتك-ءنىڭ 278-بابىنىڭ 3-بولىگى بويىنشا 1,2 ملرد تەڭگەدەن استام ايىپپۇل سوماسىنا اكىمشىلىك ماتەريال تولتىرىلدى.
بيىلعى ناۋرىز ايىندا «ارسەلورميتتال تەمىرتاۋ» اق اپەللياتسيالىق شاعىمىن قاراۋ بارىسىندا قاراعاندى وبلىستىق سوتى دەپارتامەنتتىڭ دالەلدەرىن قولدادى جانە اكىمشىلىك ايىپپۇل كۇشىندە قالدى.
