ءماجىلىس دەپۋتاتى جيگۋلي دايراباەۆ مانداتىن تاپسىرمايدى. بۇل تۋرالى «اۋىل پارتياسى» فراكتسياسىنىڭ جەتەكشىسى اناس باققوجاەۆ ايتتى، دەپ حابارلايدى «ادىرنا» ءتىلشىسى.
«دايراباەۆ دەپۋتاتتىق مانداتىن تاپسىرمايدى. مەن فراكتسيانىڭ مالىمدەمەسىن ايتىپ وتىرمىن. ءبىز وعان ەشقانداي ءمىن تاعا المايمىز.
بىرىنشىدەن، ونىڭ جەكە باسىنا قاتىستى اتالعان ىستە ەشتەڭە ايتىلماعان. ەكىنشىدەن، ونىڭ بالالارى ەرەسەك ازاماتتار. ولار ءوز ىسىنە وزدەرى جاۋاپ بەرۋى كەرەك»،— دەدى باققوجاەۆ.
ايتا كەتەيىك، الاياقتىق جاسادى جانە ءىرى مولشەردە اقشا جىمقىردى دەپ ايىپتالعان مارات دايراباەۆ جانە ديدار مولداقالىقتىڭ مۇلكى تاركىلەنىپ، كەز كەلگەن مەنشىك نىسانىنداعى ۇيىمداردا باسشىلىق لاۋازىمدى اتقارۋ قۇقىعىنان ايىرىلدى. ەكەۋى دە 5 جىلعا شارتتى تۇردە باس بوستاندىعىنان ايىرىلدى. ولارعا پروباتسيالىق باقىلاۋ قويىلادى.
