Forbes الەمدەگى ەڭ باي ادامداردىڭ جىل سايىنعى ءتىزىمىن جاريالادى، دەپ حابارلايدى "ادىرنا" ۇلتتىق پورتالى.
وعان التى قازاقستاندىق جانە ەلىمىزدىڭ رەزيدەنتتەرى كىردى.
وسىلايشا، قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ قىزى دينارا قۇلىباەۆا مەن ونىڭ جۇبايى تيمۋر قۇلىباەۆ 636-شى ورىنعا جايعاستى.
باسىلىمنىڭ باعالاۋى بويىنشا، وتكەن جىلى ەرلى-زايىپتىلاردىڭ ارقايسىسىنىڭ تابىسى 3,8 ميلليارد دوللاردى قۇرادى. ەڭ باي قازاقستاندىق ۆلاديمير كيمنىڭ بايلىعى 4,6 ملرد دوللارعا دەيىن قىسقاردى. «قازاقمىس حولدينگى» اكتسيالارىنىڭ يەسى جانە KAZ Minerals اكتسيونەرى رەيتينگتە 591- ورىندى يەلەندى. وتكەن جىلى ونىڭ بايلىعى 5 ميلليارد دوللارعا باعالاندى.
بولات وتەمۇراتوۆتىڭ تابىسى 100 ملن دوللارعا تومەندەدى. قازىر ول 2,7 ميلليارد دوللار بايلىعىمەن رەيتينگتە 1104-ءشى ورىندا. وتكەن جىلى كاسىپكەر 1096-شى ورىندا 2,8 ملرد.
Kaspi Bank يەسى ۆياچەسلاۆ كيم 3,6 ميلليارد دوللارلىق بايلىعىمەن 1513-ءشى ورىننان 787-ءشى ورىنعا كوتەرىلدى. 2022 جىلى ونىڭ تابىسى 2 ميلليارد دوللارعا باعالاندى.
