104 جاستاعى اجە داۋىس بەردى

1730
Adyrna.kz Telegram

قوناەۆ قالاسىنداعى 937 سايلاۋ ۋچاسكەسىندە دە تۇرعىندار تاراپىنان داۋىس بەرۋگە ىقتيمالدىق ۇلەس باسىم. ۇلكەنى-جاسى دا قالماي، ءوز تاڭداۋىن جاساۋعا جانتالاسا اسىعۋدا. كوڭىل سەرپىلتەر ەرەكشە ساتكە دە كوزايىم بولدىق.

937-ءشى ءنومىرلى سايلاۋ ۋچاسكەسىنىڭ
ماماندارى 2 ىقشاماۋداندا ورنالاسقان تۇرعىن ۇيگە باس سۇعىپ، 104 جاستاعى اق جاۋلىقتى انانىڭ باتاسىن الدى. "ەلىمىزدە بەيبىتشىلىك پەن ىنتىماق بولسىن" دەپ تىلەگەن مۇحسينا اجەمىز تەلەديدار، گازەتتەن كوز المايتىن كورىنەدى. ساياسي شارادان تولىققاندى حاباردار، ءتىپتى جۇرەگىنە جاقىن كانديداتتى دا تاڭداپ قويعان.

بۇگىنگى سايلاۋدا وز داۋسىن بەرىپ، شاڭىراعىنا ەنگەن ۇل-قىزدارعا اق باتاسىن ارنادى. شوپشەكتىڭ الاقانىنان ماي جالاعان اقجاۋلىقتىنىڭ باتا-تىلەۋىنەن ساياسي ناۋقاننىڭ سالماعى سەزىلدى. اماندىق تىلەپ، شىنايى ريزاشىلىعىمىزبەن قايتتىق!

پىكىرلەر