ءبىلىم جانە عىلىم ءمينيسترى اكىمدىك وكىلدەرىنە وقۋشىلارعا ءجابىر كورسەتىلگەن مەكتەپتەردىڭ ديرەكتورىن جۇمىستان بوساتۋدى ۇسىندى. بۇل تۋرالى ەرلان ساعاديەۆ مالىمدەدى.
"مينيسترلىك مەكتەپ ديرەكتورلارى مەن وقۋ ءىسىنىڭ مەڭگەرۋشىلەرىنە ەشقانداي شارا قولدانباعان. بۇل جەرگىلىكتى اتقارۋشى ورگانداردىڭ جۇمىسى. بىراق بيىل ءبىز بەلگىلى ءبىر ديرەكتوردى جۇمىستان بوساتۋ تۋرالى ۇسىنىستى كوپشىلىككە جاريالايمىز. ونىڭ ىشىندە الىمجەتتىك بولعان مەكتەپ ديرەكتورلارىن" - دەدى ساعاديەۆ ءبىلىم جانە عىلىم مينيسترلىگىنىڭ كەڭەيتىلگەن وتىرىسىندا.
يۋنيسەف مالىمەتىنشە، قازاقستاندىق بالالاردىڭ 62 پايىزى زورلىق-زومبىلىقتىڭ قۇربانى بولعان. قاڭتاردىڭ اياعىندا الەۋمەتتىك جەلىلەردە ءبىر توپ جاسوسپىرىمنىڭ كىشى سىنىپتا وقيتىن وقۋشىلارجى ۇرىپ-سوعىپ جاتقانى تۇسىرىلگەن ۆيدەو تارالعان ەدى. وقيعا تۇركىستان وبلىسىندا بولعان. قاراعاندىدا 11 جاستاعى بالانى ورىن بەرمەگەندىگى ءۇشىن سوققىعا جىعىلعان.
