الماتى وبلىسىندا كامەلەتكە تولماعان جاسوسپىرىمدەر ەر ادامدى اياۋسىز سوققىعا جىققان، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەمە جاساپ.
7 ناۋرىزدا تۇندە ەسىك قالاسىنىڭ اۋرۋحاناسىنا ءتۇرلى دەنە جاراقاتتارىمەن 49 جاستاعى ەر ادام جەتكىزىلگەن. جابىرلەنۋشى تاۋ تۇرگەن اۋىلىنىڭ تۇرعىنى.
"جەدەل-ىزدەستىرۋ ءىس-شارالارى بارىسىندا ەڭبەكشىقازاق اۋدانى پب يۋۆەنالدى پوليتسياسىنىڭ قاتىسۋىمەن كريمينالدىق پوليتسيا قىزمەتكەرلەرى 49 جاستاعى ەر ادامعا دەنە جاراقاتىن سالدى دەگەن كۇدىكپەن 2006, 2007 جانە 2008 جىلى تۋعان ءۇش كامەلەتكە تولماعاندى انىقتاپ، ۇستادى. تەرگەۋ ارەكەتتەرى كەزىندە ۇستالعاندار 6 ناۋرىزدا ساعات 2:00 شاماسىندا تۇرگەن اۋىلىندا بەلگىسىز ەرەسەك ادامعا دەنە جاراقاتىن سالعانىن مويىندادى", - دەپ حابارلادى الماتى وبلىسىنىڭ پوليتسيا دەپارتامەنتى.
اتالعان فاكت قر قىلمىستىق كودەكسىنىڭ 106-بابى 2-بولىگى بويىنشا تىركەلدى.
"قازىرگى ۋاقىتتا قاجەتتى ساراپتامالار تاعايىندالىپ، سوتالدى تەرگەۋ امالدارى جۇرگىزىلىپ جاتىر. قر قىلمىستىق-پروتسەستىك كودەكسىنىڭ 201-بابىنا سايكەس وزگە دە مالىمەتتەر جاريا ەتۋگە جاتپايدى", - دەلىنگەن حابارلامادا.
"ادىرنا" ۇلتتىق پورتالى
