بەلگىلى ءانشى نۇرلان البان ءوزىن پارلامەنت دەپۋتاتىنا ۇمىتكەر رەتىندە ۇسىنعانىن مالىمدەدى، دەپ حابارلايدى «ادىرنا» ءتىلشىسى.
«قۇدايدىڭ قالاۋىمەن نيەت ەتىپ، ۇلكەن ىسكە قادام جاسادىم. اقپاراتتى ەستىگەندە ءبىرىڭىز كۇيىنەرسىز، ءبىرىڭىز سۇيىنەرسىز، ەندى ءبىرىڭىز ماقتارسىز، ءبىرىڭىز داتتارسىز. دەسە دە، بۇل قادامعا جاساماستان بۇرىن كوپ ويلاندىم. مەنى جاقسى كورەتىن ەل-جۇرتتىڭ، دوس-جاران، اعايىن-باۋىرلاردىڭ ۇسىنىسىمەن الدا كەلە جاتقان ۇلكەن ناۋقان، سايلاۋعا مەن دە قاتىسىپ، بايگەدە باعىمدى سىناسام دەپ شەشتىم. كۇنى كەشە الماتى وبلىسىنا قاراستى سايلاۋ وكرۋگىنە بەرىلگەن تالاپ-تىلەكتەرىم ەسكەرىلدى. بۇگىن ءبىرمانداتتى جۇيە بويىنشا ءوزىمدى-ءوزىم ۇسىنىپ، قازاقستان رەسپۋبليكاسى پارلامەنت دەپۋتاتىنا كانديدات ەكەنىمدى راستايتىن كۋالىك بەرىلدى»،—دەدى ونەر يەسى.
<
