ۇكىمەت ۇيىندە قر پرەمەر-ءمينيسترى ءاليحان سمايىلوۆتىڭ توراعالىعىمەن ەكونوميكانى دەمونوپوليزاتسيالاۋ جونىندەگى كوميسسيانىڭ كەزەكتى وتىرىسى ءوتتى، دەپ حابارلايدى «ادىرنا» ءتىلشىسى ۆەدومستۆونىڭ ءباسپاسوز قىزمەتىنە سىلتەمە جاساپ.
قاتىسۋشىلار كولىك، مۇناي وڭدەۋ جانە اقپاراتتىق كوممۋنيكاتسيا سالالارىنداعى كەيبىر اكتيۆتەردى مەملەكەت مەنشىگىنە قايتارۋ ماسەلەلەرىن تالقىلادى.
كوميسسيا توراعاسى ءاليحان سمايىلوۆ ۋاكىلەتتى ورگاندارعا قارالىپ وتىرعان اكتيۆتەرگە قاتىستى تەكسەرۋ ءىس-شارالارىن جالعاستىرۋدى، سونداي-اق ولاردىڭ كەيبىرەۋلەرىن جەكە مەنشىككە بەرۋدىڭ زاڭدىلىعى تۇرعىسىنان اۋديت جۇرگىزۋدى تاپسىردى.
بۇدان باسقا، باسەكەلەستىكتى قورعاۋ جانە دامىتۋ اگەنتتىگى مۇناي وڭدەۋ كاسىپورىندارىنا لوگيستيكالىق جانە سەرۆيستىك قىزمەتتەر كورسەتەتىن دومينانت كومپانيالاردىڭ تاريفتەرىن رەتتەۋ جونىندە ۇسىنىستار ەنگىزۋى ءتيىس.
كوميسسيا وتىرىسىنىڭ قورىتىندىسى بويىنشا ءاليحان سمايىلوۆ ەل زاڭناماسىنا سايكەس قاجەتتى راسىمدەردى تەزدەتىپ اياقتاۋدىڭ ماڭىزدىلىعىن اتاپ ءوتتى.
تالقىلاۋعا ورتالىق مەملەكەتتىك ورگانداردىڭ، باس پروكۋراتۋرانىڭ، سىبايلاس جەمقورلىققا قارسى كۇرەس قىزمەتىنىڭ، قارجىلىق مونيتورينگ اگەنتتىگىنىڭ، «سامۇرىق-قازىنا» ءال-اۋقات قورىنىڭ، «قازمۇنايگاز» جانە «قازاقستان تەمىر جولى» ۇلتتىق كومپانيالارىنىڭ باسشىلارى قاتىستى.
Басқалармен бөлісе отырыңыз
