وزدەرىڭىزگە ءمالىم، مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا ءماجىلىس پەن ءماسليحاتتار سايلاۋىنىڭ 2023 جىلدىڭ ءبىرىنشى جارتىجىلدىعىندا وتەتىنىن ايتقان بولاتىن. مىنە، سول ۋاقىت تا كەلدى. ەندى ءماجىلىس دەپۋتاتتىعىنا كىمدەر ۇمىتكەر دەگەنگە كەلەتىن بولساق، ارينە، الدىڭعى قاتاردا ەل اۋزىندا جۇرگەن ايتىسكەر اقىن، «قۇرمەت» وردەنىنىڭ، «مادەنيەت سالاسىنىڭ ۇزدىگى» توسبەلگىسىنىڭ يەگەرى – رينات زايتوۆ.
«Amanat» پارتياسى ءماجىلىس سايلاۋىنا پارتيالىق ءتىزىم ارقىلى رينات زايتوۆتى ۇسىنىپ وتىر.
ەستەرىڭىزدە بولسا، وسىدان ەكى جىل بۇرىن ەرقانات كوپجاسارۇلىنىڭ جۇرگىزۋىمەن وتكەن 31 ارناداعى «نەگە» باعدارلاماسىندا رينات زايتوۆ «نۇر وتان شاقىرسا، دەپۋتات بولۋعا بارامىن. ەلدىڭ ءسوزىن ايتۋ ءۇشىن»، – دەگەن ەدى. «قاي پارتيا ۇسىنسا دا، دايىنمىن»، – دەگەنىن سۇحباتتارىنان دا بىلەمىز. ءار نارسە ادامنىڭ وزىنە بايلانىستى عوي. جاڭا قازاقستاندى قۇرۋ ءۇشىن جۇيەنىڭ ىشىنە ەنگەنى دە دۇرىس دەپ ويلايمىن. 2001 جىلدان بەرى ۇلكەن ايتىستاردا الاۋلى ويلارىن ايتىپ كەلەدى. ەندى كۇرەستى پارلامەنتتە جالعاستىرۋعا بەل بۋىپتى. دۇرىس قادام. ويتكەنى پارلامەنت – مەملەكەتتىك بيلىكتىڭ ءبىر تارماعى.
كۇلتوبەنىڭ باسىندا قابىلدانعان «تاۋكە حاننىڭ جەتى جارعىسىندا» افوريزم، ماقال-ماتەل، قاناتتى سوزدەردىڭ كورىنىس تاپقانىن ايتا كەتكەن ءجون. ياعني بيلەر ەل-جۇرتىنىڭ ادەت-عۇرپىن، شەجىرەسىن، تاريحىن بىلگەن دارا جاندار بولعان.
ەل ازاماتتارىنىڭ سەنىمى قاشاندا ماڭىزدى. رينات زايتوۆتىڭ وسى سايلاۋعا قاتىساتىنىن ەستىگەن حالىقتىڭ قولداۋلارىن الەۋمەتتىك جەلىلەردەن-اق بايقاۋعا بولادى.
بيلىك پەن حالىق اراسىن جاقىنداتا تۇسەتىنىنە سەنىمدىمىن.
قۋانىش جۇمابەكۇلى
«ەۋرازيا زەرتتەۋلەرى» ماماندىعى بويىنشا PhD دوكتورى،
«قازاقستاننىڭ 100 جاڭا ەسىمى» جوباسىنىڭ جەڭىمپازى
"ادىرنا" ۇلتتىق پورتالى
