ەندى كاسىپكەرلەر سالىق ەسەبىن Kaspi Pay قوسىمشاسىمەن تاپسىرا الادى

5206
Adyrna.kz Telegram

Kaspi.kz مەملەكەتتىك كىرىستەر كوميتەتىمەن بىرلەسىپ كاسىپكەرلەر ءۇشىن تاعى ءبىر ونلاين سەرۆيستى ىسكە قوستى. ەندى جەڭىلدەتىلگەن دەكلاراتسيا نەگىزىندە جۇمىس ىستەيتىن جەكە كاسىپكەرلەر Kaspi Pay قوسىمشاسىنداعى «سالىق» بولىمىندە 910-نىسان بويىنشا سالىق ەسەبىن تاپسىرا الادى.

Kaspi.kz-ءتىڭ باسشىسى ءارى نەگىزىن قالاۋشىلاردىڭ ءبىرى ميحايل لومتادزە:

«Kaspi Pay – قازاقستاندىق كاسىپكەرلەر ءۇشىن Kaspi.kz-ءتىڭ ەڭ تانىمال قوسىمشاسى. باستى ماقساتىمىز – كاسىپكەرلەردىڭ ءومىرىن جەڭىلدەتۋ ءارى جاقسارتۋ. ءبىزدىڭ جاڭا «سالىق ەسەبى» سەرۆيسىنىڭ كومەگىمەن جەكە كاسىپكەرلەر ەندى سالىق ەسەبىن ونلاين، جىلدام ءارى وڭاي تاپسىرا الادى. كوماندالارىمىز بىرلەسىپ ازىرلەگەن تاعى ءبىر تابىستى سەرۆيس ءۇشىن مەملەكەتتىك كىرىستەر كوميتەتىنە، سونداي-اق ۇات اق پەن تسيفرلاندىرۋ مينيسترلىگىنە راقمەت ايتامىز!»

ازامات پانباەۆ، قر قم مەملەكەتتىك كىرىستەر كوميتەتى توراعاسىنىڭ ورىنباسارى:

«مەملەكەتتىك كىرىستەر كوميتەتى ەكىنشى دەڭگەيدەگى بانكتەرمەن ىنتىماقتاستىق اياسىندا Kaspi Pay پلاتفورماسىندا شاعىن بيزنەس سۋبەكتىلەرى ءۇشىن 910-نىساندى سالىق ەسەپتىلىگىن قابىلداۋ سەرۆيسىن تەگىن ىسكە قوستى. بۇل سەرۆيس سالىقتى ەسەپتەۋگە، ەسەپتىلىكتى جاساۋعا جانە ۇسىنۋعا جۇمسالاتىن ۋاقىتتى ۇنەمدەي وتىرىپ، سالىق مىندەتتەمەلەرىن جىلدام، قولجەتىمدى، ۋاقتىلى ورىنداۋعا مۇمكىندىك بەرەدى. بۇل باعىتتا ىنتىماقتاستىق قولايلى جاعداي جاساپ، سالىق تولەۋشىلەر مەن مەملەكەتتىڭ اراسىنداعى ءوزارا ءىس-قيمىلدى جاقسارتا وتىرىپ، جالعاسىن تابادى»

جاڭا سەرۆيستىڭ كومەگىمەن بۋحگالتەر نەمەسە كاسىپكەردىڭ ءوزى ەسەپتى قوسىمشانىڭ وزىندە جاساقتاي الادى جانە راستاعان سوڭ ەسەپ مكك-گە اۆتوماتتى تۇردە جىبەرىلەدى.

جاقىن اراداعى ەسەپتى - 15 اقپانعا دەيىن 2022 جىلدىڭ ەكىنشى جارتىجىلدىعى ءۇشىن تاپسىرۋ كەرەك.

كەلەسى ەسەپتى – 2023 جىلدىڭ ءبىرىنشى جارتىجىلدىعى ءۇشىن – 15 تامىزعا دەيىن تاپسىرۋ كەرەك.

سەرۆيس تۋرالى تولىعىراق Kaspi گيد-تەن ءبىلىڭىز.

پىكىرلەر