9 تامىز كۇنى الماتىداعى «ۇلتتىق ۇلاننىڭ» 5571 اسكەري ءبولىمنىڭ 19 جاسار ساربازى الماس شاحيموۆتىڭ ولىمىنە قاتىستى دەرەكتەر تابىلدى. جاس ساربازدىڭ اسكەر قاتارىندا جۇرگەن كەزىندە وفيتسەرىنە ءوزىنىڭ اتىنان نەسيە العانى بەلگىلى بولدى. بۇل تۋرالى “Koremiz” باعدارلاماسىندا جاريالاندى، دەپ حابارلايدى “ادىرنا” ۇلتتىق پورتالى.
ايتا كەتەيىك، اسكەري قىزمەتكەرلەر ساربازدىڭ پوليگون دايىندىعى كەزىندە قۇمدى داۋىلدىڭ سالدارىنان قازا تاپقانىن حابارلاعان بولاتىن. الايدا مەديتسينالىق تەكسەرىستىڭ ناتيجەسىندە مارقۇمنىڭ دەنەسىنەن 3 پىشاق جانە 23 دەنە جاراقاتى انىقتالعان.
"بۇگىن "ۇلتتىق ۇلاننىڭ" الماتى قالاسىنداعى بولىمشەسىنىڭ بىلىعى اشىلايىن دەپ تۇر. الماس شاحيموۆ 19 جاسار سارباز سول جەردە وتان الدىنداعى بورىشىن وتەيدى. بىراق، 4 اق اي. 4 ايدان كەيىن ۇيىنە وسىندا سۋىت حابار كەلەدى. بەلگىلى بولعان تىڭ دەرەك الماس شاحيموۆ سارباز بولىپ جۇرگەن كەزىندە، اسكەر قاتارىندا جۇرگەن كەزىندە وفيتسەرى الماستىڭ اتىنان نەسيە الادى", - دەدى باعدارلاما جۇرگىزۋشىسى، جۋرناليست رۋسلان وتەپباي.
