22-قاڭتار كۇنى «QAZAQSTAN» جەڭىل اتلەتيكالىق سپورت كەشەنىندە جەڭىل اتلەتيكادان كۇمىس دەڭگەيدەگى Astana Meeting World Indoor Tour حالىقارالىق ءتۋرنيرىنىڭ پرەسس-كونفەرەنتسياسى ءوتتى.
ءباسپاسوز جيىنىنا جەڭىل اتلەتيكادان ۇلتتىق قۇراما سپورتشىلارى ميحايل ليتۆين، ادەلينا زەمس، ولگا سافرونوۆا جانە تۋرنيرگە قاتىسۋشى شەتەلدىك سپورتشىلار مايكل رودجەرس (اقش), شەننون رەي (اقش), جۋا ۆيتور دە وليۆەرا (پورتۋگاليا) قاتىستى.
WORLD ATHLETICS INDOOR TOUR – 2016 جىلدان بەرى وتكىزىلىپ كەلە جاتقان جىل سايىنعى سەريا. بيىلعى ماۋسىم 17 جارىستان تۇرادى. ولار 2023 جىلدىڭ 20-قاڭتارى مەن 11-ناۋرىز ارالىعىندا اقش، قازاقستان، گەرمانيا، چەحيا، فرانتسيا، سلوۆاكيا جانە سەربيا ەلدەرىندە وتەدى.
«Astana Meeting» حالىقارالىق ءتۋرنيرى باعدارلاماسىنا جەڭىل اتلەتيكالىق جارىستاردىڭ 10 ءتۇرى ەنگىزىلگەن. باعدارلامانىڭ ءار ءتۇرىنىڭ جۇلدە قورى 4000 اقش دوللارىن قۇرايدى. جۇلدە ءار جارىس تۇرىندە ۇزدىك تانىلعان 6 سپورتشى اراسىندا ۇيلەستىرىلەدى»،- دەپ حابارلادى جارىس ديرەكتورى اسحات سەيسەمبەك.
Astana Meeting-كە قاتىسۋشى اتلەتتەر سانى 92. ولاردىڭ 72-ءسى وتاندىق سپورتشىلار بولسا قالعان 20 اتلەت شەتەل وكىلدەرى.
اقش ارداگەرى مايكل رودجەرس جانە ەفيوپيادا 1500 مەتر قاشىقتىقتاعى جابىق جايدا وتكەن الەم چەمپيوناتىنىڭ جۇلدەگەرى حيرۋت مەشەشا –Astana Meeting-كە مالىمدەلگەن ەڭ ۇلكەن جۇلدىزدار.
60 مەترلىك سپرينتتە رودجەرسكە اقش-تىڭ بۇرىنعى جابىق جايداعى چەمپيونى دەمەك كەمپ پەن پورتۋگالدىق فرەدەريكو كۋرۆەلۋ قارسىلاس بولادى. سونىمەن قاتار تۋرنيردە وزبەكستان وكىلدەرى، بيىكتىككە سەكىرۋدەن الەمدىك بىرىنشىلىكتىڭ بىرنەشە مارتە ءفيناليستى سافينا سادۋللاەۆا مەن داريا رەزنيچەنكو ۇزىندىققا سەكىرۋدەن ونەر كورسەتەدى.
كەنيالىق نيكولاس كيپلاگات، بۇرىنعى 20 جاسقا دەيىنگى ەۋروپا چەمپيونى حورۆاتيالىق مارينو بلۋدەك جانە بالقان چەمپيونى سلوۆەنيالىق يان ۆۋكوۆيچ 800 مەتر قاشىقتىقتا جارىس جولىنا شىعادى.
كۋبالىق رودجەر يريبارنە جانە بۇرىنعى 18 جاسقا دەيىنگى ەۋروپا چەمپيونى ۆەنگريالىق دانيەل ەسزەس 60 مەترگە كەدەرگىلەرمەن جۇگىرۋدەن باق سىنايدى. سونداي-اق امەريكاندىق شەننون رەي، باربادوستىق تريستان ەۆەلين، تاجىريبەلى برازيليالىق فرانسيەلا كراسۋكي جانە اۆستريالىق ماگدالەنا ليندنەر 60مەتر قاشىقتىقتا ايەلدەر اراسىندا سىنعا تۇسەدى.
Astana meeting وتاندىق جەڭىل اتلەتيكانىڭ حالىقارالىق دەڭگەيدەگى بەدەلىن جانە سپورتشىلار اراسىنداعى باسەكەلەستىكتى ارتتىرادى. بۇل جارىس ەلىمىزدىڭ جانە ازيا ءوڭىرىنىڭ جەڭىل اتلەتيكاسىنداعى ەڭ بەدەلدى جارىستاردىڭ بىرىنە اينالادى.
Astana Meeting World indoor tour Silver حالىقارالىق ءتۋرنيرى 23-قاڭتاردا استانا ق. «QAZAQSTAN» جەڭىل اتلەتيكالىق سپورت كەشەنىندە وتەدى. باستالۋى ساعات 19:00.
اككرەديتاتسيا، باق وكىلدەرىمەن بايلانىس:
+ 7 777 434 0707 اراي سەرىكباەۆا
