«قازترانسويل» اق 300 مىڭ توننا كولەمىندەگى مۇنايدى گەرمانياعا تاسىمالدايدى، دەپ حابارلايدى «ادىرنا» ءتىلشىسى.
«قازترانسويل» اق رەسەي فەدەراتسياسى ەنەرگەتيكا مينيسترلىگىنەن 2023-ءشى جىلدىڭ I توقسانىندا «ترانسنەفت» جاق ماگيسترالدى مۇناي قۇبىرى جۇيەسى ارقىلى «اداموۆا زاستاۆا» مۇناي بەكەتىمەن ءارى قاراي گەرمانياعا 300 مىڭ توننا كولەمدە قازاقستاندىق مۇناي جەتكىزۋ بويىنشا راستاۋ قاعازىن قابىلدادى. بۇل جونىندە رەسەي فەدەراتسياسىنىڭ ەنەرگەتيكا مينيسترلىگى بەكىتكەن تمد مەملەكەت-مۇشەلەرىنىڭ مۇنايىن رەسەي فەدەراتسياسى اۋماعى ارقىلى مۇناي قۇبىرلارى جۇيەسىمەن وتەتىن ترانزيت كەستەسى جازباسىندا ايتىلعان. مۇنايدىڭ اتالمىش ءترانزيتى قازاقستان رەسپۋبليكاسى ۇكىمەتى مەن رەسەي فەدەراتسياسى ۇكىمەتى اراسىندا 2002-ءشى جىلدىڭ 7-ءشى ماۋسىمدا جاسالعان ارنايى كەلىسىمشارت نەگىزىندە ىسكە اسادى»،—دەلىنگەن حابارلامادا.
