ەلوردا پوليتسەيلەرى 24-قاباتتان سەكىرمەك بولعان ەر ادامدى قۇتقارىپ قالدى. بۇل تۋرالى Polisia.kz حابارلادى، دەپ جازادى "ادىرنا" ۇلتتىق پورتالى.
پوليتسيانىڭ “102” ارناسىنا ءتۇن ورتاسىندا سارايشىق كوشەسىندە كوپقاباتتى ءۇيدىڭ بالكون قورشاۋىندا ەر ادام وتىرعانى جانە سەكىرۋگە تىرىسىپ جاتقانى تۋرالى اقپارات كەلىپ ءتۇستى.
وقيعا ورنىنا پوليتسيا قىزمەتكەرلەرى ەرجان ايسا مەن نۇرسۇلتان ەگەمبايدان تۇراتىن استانا قالاسى پد پاترۋلدىك پوليتسيا پولكىنىڭ جاساعى دەرەۋ جىبەرىلدى. وقيعا ورنىنا كەلگەن پوليتسەيلەر بالكون قورشاۋىنىڭ ءار جاعىندا ەڭكەيىپ جانە تومەنگە سەكىرەيىن دەپ وتىرعان ادامدى كورگەن. جاعدايدى باعالاپ، ۋاقىتتى جوعالتپاي، ءتارتىپ ساقشىلارى تەز ارادا جوعارى كوتەرىلدى. ولاردى بايقاعان ەر ادام وعان جاقىنداماسىن دەپ ايقايلاي باستاعان.
قالىپتاسقان جاعدايدى باعدارلاي وتىرىپ، پوليتسەيلەر ەر اداممەن ديالوگ قۇرۋعا تىرىستى جانە ونىڭ الدانىپ تۇرعان ءساتىن پايدالانىپ، وعان تەز جۇگىرىپ بارىپ، ارتىنان ۇستاپ، بالكوننىڭ ىشىنە تارتىپ كىرگىزگەن. سودان كەيىن ولار ەر ادامدى قاۋىپسىز جەرگە اپارىپ، سترەسستىك جاعدايدى شەشۋگە كومەكتەسىپ، تىنىشتاندىرعان.
سەكىرمەك بولعان ەر ادام ەسىل اۋدانىنىڭ پوليتسيا باسقارماسىنا جەتكىزدى. 28 جاستاعى ازاماتتىڭ مۇنداي ءىس-ارەكەتكە نە يتەرمەلەگەنى انىقتالىپ جاتىر. پسيحولوگتارمەن بىرلەسىپ ونىمەن پروفيلاكتيكالىق جۇمىستار جۇرگىزىلدى.
"ادىرنا" ۇلتتىق پورتالى
