"شاريعات بويىنشا پارا بەرۋگە بولادى" - قابىلبەك يمام (ۆيدەو)

3195
Adyrna.kz Telegram
بەلگىلى يمام قابىلبەك ءالىپبايۇلى شاريعات بويىنشا قانداي جاعدايدا پارا بەرۋگە بولاتىنىن ايتتى، دەپ جازادى "ادىرنا" ۇلتتىق پورتالى. 

"پارا بەرۋگە بولاتىن ءبىر-اق ورىن بار.ءوزىڭ ادال ەڭبەگىڭمەن ماماندىعىڭ بويىنشا جۇمىس ىستەپ جاتىرسىڭ. بىراق سول كاسىپتىڭ باسشىسى پارا سۇرايدى. ەگەر سەن ونى بەرمەسەڭ "سەن ايىپ ەتپە، باۋىرىم. ءبىر كىسى كەلدى. ورنىڭدى بوساتاسىڭ وندا. وسىنى بەرەسىڭ" دەيدى. شاريعات سول كەزدە وسىعان عانا رۇقسات ەتەدى. ءوز ورنىڭدى ساقتاپ قالۋىڭ ءۇشىن پارا بەرۋگە بولادى. وتباسىمىزدى باعۋ ءبىزدىڭ مىندەتىمىز عوي. جۇمىس ىستەۋ كەرەك. ايەل، بالا-شاعانى باعۋ كەرەك. بىراق پارا بەرگەن كەزدە ءبىز مۇقتاجدىقپەن بەرەمىز. بەرگىسى كەلىپ تۇرعان جوق. ونىڭ اقشاسىن ۇستەمدىلىكپەن الىپ جاتىر. شاريعات وسى جەردە عانا رۇقسات ەتەدى. ادام وسىنداي تىعىرىققا تىرەلگەن كەزدە بەرە بەر باۋىرىم. سەن كۇناھار ەمەسسىڭ. كۇناھار كىم بولادى؟ اناۋ ادام بولادى", - دەيدى قابىلبەك يمام. 

"ادىرنا" ۇلتتىق پورتالى 
پىكىرلەر