"ادىرنا" قوعامدىق قورىنىڭ ۇيىمداستىرۋىمەن تىرناق ارلەۋشى مامانمەن تەگىن ماستەر-كلاسس ءوتتى. شارا قر "اقپارات جانە قوعامدىق دامۋ مينيسترلىگى" مەن ازاماتتىق باستامالاردى قولداۋ ورتالىعىنىڭ تاپسىرى اياسىندا ۇيىمداستىرىلدى.
ءىس-شارانىڭ ماقساتى كوتەرىلەتىن ماسەلەلەر ارقىلى جاستاردى بولاشاق ومىرلىك جوسپارلارىنا ىنتالاندىرۋ جانە شىعارماشىلىق الەۋەتتى دامىتۋ.
كۇن تارتىبىندە جاستاردىڭ جۇمىس جانە وقۋعا كەلگەندە بەلسەندىلىك تانىتپاۋ سەبەپتەرىن انىقتاۋ، جاستارعا كومەك بەرۋ جانە كاسىبي باعدارلاۋ تۇرلەرى، ەڭبەك نارىعىنداعى قاجەتتى ماماندىقتار، جاستاردى كاسىپكەرلىك قىزمەتكە وقىتۋ، جاستارىنىڭ قوردالانعان ماسەلەلەرى تۋرالى كەزدەسۋ بولدى. ءىس-شارا adyrna.kz ينستا پاراقشاسىندا ءوتتى. ەسكە سالا كەتەيىك، ادىرنا پاراقشاسىندا 300 مىڭعا جۋىق وقىرمان بار.
ءىس-شارا سپيكەرى تىرناق ارلەۋشى مامان ۇلجان بولاتوۆا مانساپ جانە جەكە ءوسۋ ءۇشىن ومىرلىك داعدىلاردى دامىتۋداعى تاجىريبەلەرىمەن ءبولىستى.
كەزدەسۋ بارىسىندا بۇگىنگى كۇنى ەڭبەك نارىعىنداعى قاجەتتى ماماندىق سالاسى جانە قاي سالانى بەلسەندى دامىتۋ كەرەك، جاستاردى كاسىپكەرلىك قىزمەتكە وقىتۋ، كاسىپكەردىڭ قاجەتتى داعدىلارى، جاستارعا بەرىلگەن مۇمكىندىك پەن سونى قالاي دۇرىس پايدالانۋ كەرەكتىگى جايىندا ءسوز بولدى.
قاتىسۋشى جاستار، وقىرماندار مامانعا ءتۇرلى ساۋالدار قويىپ، قالاي تابىس تابۋعا بولاتىنى جايلى اقپاراتتار ءبىلدى.
