كوكشەتاۋ قالاسىنداعى «ارنا» كوكشاتاۋ جوعارعى كوللەدجىندە 14 تامىز كۇنى ساعات 12:00 دە «جاستارعا مۇمكىندىك!» تاقىرىبىندا كەزدەسۋ ءوتتى.
ءىس-شارا قر اقپارات جانە قوعامدىق دامۋ مينيسترلىگى مەن ازاماتتىق باستامالاردى قولداۋ ورتالىعىنىڭ قولداۋىمەن «ادىرنا» ۇەب» قق «جاستاردى الەۋمەتتەندىرۋ جانە وڭالتۋ» جوباسى اياسىندا بولدى. وندا NEET ساناتىنداعى جاستاردى ەلىمىزدىڭ الەۋمەتتىك-ەكونوميكالىق ومىرىنە تارتۋ ماسەلەلەرى قاراستىرىلدى.
ءىس-شارا “جاستاردى الەۋمەتتەندىرۋ جانە وڭالتۋ” جوباسى اياسىندا ءوتتى. اتاۋلى جوبا NEET ساناتىنداعى جاستار اراسىنداعى قارىم-قاتىناستى نىعايتىپ، ولاردى دامىتۋ يدەيالارىن تالقىلاپ، جوبالىق كەڭسە تاراپىنان جاستارعا كومەك بەرۋ جانە كاسىبي باعدارلاۋ تۇرلەرىن زەرتتەپ، NEET جاستارىنىڭ قوردالانعان ماسەلەلەرىنىڭ شەشۋ جولدارىن قاراستىرۋعا باعىتتالعان.
ءىس-شارانىڭ ماقساتى - جاستاردى جىگەرلەندىرۋ، ىنتالاندىرۋ جانە ولاردىڭ شىعارماشىلىق الەۋەتىن دامىتۋ.
ءىس-شارا باستى سپيكەرى قازاقستان جازۋشىلار وداعىنىڭ مۇشەسى، اقىن، جازۋشى، ش. ءۋاليحانوۆ اتىنداعى كوكشەتاۋ ۋنيۆەرسيتەتىنىڭ قاۋىمداستىرىلعان پروفەسسورى – ەربولات باياتۇلى بولدى. كەزدەسۋ بارىسىندا ول ءبىلىم بەرۋ پروتسەسىنە جانە جۇمىسپەن قامتۋعا تارتىلماعان جاستارعا مانساپ جانە جەكە ءوسۋ ءۇشىن ومىرلىك داعدىلارىن دامىتۋداعى تاجىريبەلەرىمەن ءبولىستى.
كەزدەسۋ بارىسىندا بۇگىنگى كۇنى ەڭبەك نارىعىنداعى قاجەتتى ماماندىقتار ماسەلەسى جانە قاي سالانى بەلسەندى دامىتۋ كەرەكتىگى، كاسىپكەردىڭ بويىنا قاجەتتى داعدىلارى، جاستارعا بەرىلگەن مۇمكىندىك پەن سونى قالاي دۇرىس پايدالانۋ كەرەكتىگى جايىندا ءسوز بولدى.
