بۇگىن استانا قالالىق ءماسليحاتىنىڭ وتىرىسىندا پارلامەنت سەناتىنىڭ دەپۋتاتتىعىنا كانديدات رەتىندە ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ رەكتورى ەرلان سىدىقوۆ ۇسىنىلدى، دەپ حابارلايدى “ادىرنا” ۇلتتىق پورتالى.
“وسى جىلدىڭ 31 قازانىندا استانا قالاسىنان پارلامەنت سەناتىنىڭ دەپۋتاتىن سايلاۋ تۋرالى قاۋلى جاريالاندى. بەكىتىلگەن كۇنتىزبەگە سايكەس، كانديداتتاردى ۇسىنۋ وسى جىلدىڭ 1-25 قاراشا ارالىعىندا بولادى. «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 71-بابىنا سايكەس، كانديداتۋرا ءماسليحاتتىڭ سەسسيالارىندا جانە ءوزىن-ءوزى ۇسىنۋ تارتىبىمەن وتكىزىلەدى”، – دەدى قالالىق ءماسليحاتتىڭ حاتشىسى ەرلان كاناليموۆ.
Amanat پارتياسى اتىنان ءماسليحات دەپۋتاتى بولىپ سايلانعان ازامات ايتحوجين ءسوز سويلەپ، سەنات دەپۋتاتتىعىنا ەرلان سىدىقوۆتى ۇسىندى.
بۇل ۇسىنىستى «اق جول» پارتياسىنىڭ وكىلدەرى دە قولداپ، ءماسليحات دەپۋتاتتارى سەناتورلىققا ەرلان سىدىقوۆتى لايىق دەپ تاپتى.
