پرەزيدەنتتىككە كانديدات قاسىم-جومارت توقاەۆتىڭ رەسپۋبليكالىق قوعامدىق شتابىنىڭ مۇشەلەرى تۇركىستان وبلىسىنىڭ جانە شىمكەنت قالاسىنىڭ تۇرعىندارىمەن بىرقاتار كەزدەسۋ وتكىزدى.
ماسەلەن، تۇركىستاندا ءوڭىر جۇرتشىلىعىمەن، اقساقالدارمەن جانە قوعامدىق پىكىر كوشباسشىلارىمەن كەزدەسۋ ءوتىپ، وعان 350-گە جۋىق ادام قاتىستى. كانديداتتىڭ سايلاۋالدى باعدارلاماسىنىڭ وڭىرلەردى دامىتۋعا جانە اۋىلداعى الەۋمەتتىك ينفراقۇرىلىمدى جاقسارتۋعا ارنالعان بلوگىنا ەرەكشە نازار اۋدارىلدى.
«الداعى جىلدارداعى ەل بولاشاعىن ايقىندايتىن سايلاۋعا بىرنەشە كۇن قالدى. وڭتۇستىك ءوڭىردىڭ تۇرعىندارى ارقاشان ايرىقشا ساياسي مادەنيەتىمەن ەرەكشەلەندى. ولار وسى جولى دا جوعارى ازاماتتىق بەلسەندىلىك تانىتىپ، سايلاۋعا بارىنشا كوپتەپ قاتىسادى دەگەن ويدامىن. بۇل – ەلىمىزدىڭ تابىستى دامۋى ءۇشىن ماڭىزدى. بۇل – بارشا قازاقستاندىقتار ءۇشىن ماڭىزدى»، – دەپ اتاپ ءوتتى رەسپۋبليكالىق قوعامدىق شتابتىڭ مۇشەسى ەلنۇر بەيسەنباەۆ.
بۇدان سوڭ، جەرگىلىكتى جىلىجايلاردىڭ ءبىرىنىڭ الاڭىندا رقش مۇشەلەرى شارۋالار مەن اۋىل جاستارىنا سايلاۋالدى باعدارلامادا كورىنىس تاپقان اۋىل شارۋاشىلىعىنىڭ ونىمدىلىگىن ارتتىرۋ شارالارىن ءتۇسىندىردى.
وسى كۇنى شتاب مۇشەلەرى سالىنىپ جاتقان مۇز سارايىنا بارىپ، قۇرىلىسشىلارمەن اڭگىمەلەستى. 100-دەن استام ادام قاتىسقان كەزدەسۋ بارىسىندا رقش مۇشەلەرى كانديداتتىڭ ەڭبەك ادامىن قولداۋ جونىندەگى باسىمدىقتارىنا نازار اۋداردى.
شىمكەنتتە اقساقالدارمەن، زيالى قاۋىم وكىلدەرىمەن جانە بەلگىلى قوعام قايراتكەرلەرىمەن بولعان كەزدەسۋدە كانديداتتىڭ «ادىلەتتى قازاقستان: ءبارىمىز جانە ارقايسىمىز ءۇشىن. قازىر جانە ءاردايىم» دەپ اتالاتىن سايلاۋالدى باعدارلاماسىنىڭ نەگىزگى باعىتتارى تالقىلاندى.
جاس عالىمدارمەن جانە ونەرتاپقىشتارمەن اڭگىمەلەسۋ بارىسىندا توقاەۆتىڭ جاقتاستارى عىلىمدى قولداۋ ماسەلەسىن قوزعادى. بۇدان سوڭ، شتاب مۇشەلەرى «وڭتۇستىك» ارنايى ەكونوميكالىق ايماعى كاسىپورىندارىنىڭ قىزمەتكەرلەرىمەن كەزدەسىپ، جينالعانداردىڭ نازارىن شوب-تى قولداۋ جانە قاسىم-جومارت توقاەۆتىڭ سايلاۋالدى باعدارلاماسىندا كورىنىس تاپقان جۇمىسشىنىڭ ەڭبەك قۇقىقتارىن قورعاۋ ماسەلەلەرىنە اۋداردى.
