قر پرەزيدەنتتىگىنە كانديدات مەيرام قاجىكەن وسكەمەن قالاسىنا بارىپ، شىعىس قازاقستان اۋرۋحاناسى دياگنوستيكالىق ورتالىعىنىڭ قىزمەتكەرلەرىمەن كەزدەستى. بۇل تۋرالى «ادىرناە كانديداتتىڭ شتابىنا سىلتەمە جاساي وتىرىپ حابارلايدى.
كانديدات جينالعاندارعا ءوزىنىڭ سايلاۋالدى باعدارلاماسى جايلى ايتىپ بەردى. سودان سوڭ اق حالاتتىلار وزدەرىن تولعاندىرعان سۇراقتارىن قويدى.
ايتا كەتسەك، وبلىستىق اۋرۋحانا 1889 جىلى اشىلعان. قازىرگى ۋاقىتتا مۇندا 1000-عا جۋىق ادام جۇمىس ىستەيدى. وبلىستىق اۋرۋحانانىڭ قۇرامىنا 6 زەرتحانا، 12 كلينيكالىق جانە 7 پاراكلينيكالىق بولىمشە، ونىڭ ىشىندە وڭىردەگى جالعىز كەۋدە جانە تامىر حيرۋرگياسى، پروكتولوگيا، كوز ميكروحيرۋرگياسى، ورتوپەديا بولىمشەلەرى كىرەدى.
