بيىل 1 قىركۇيەكتەن باستاپ ستۋدەنتتەردىڭ، ماگيسترانتتار مەن دوكتورانتتاردىڭ شاكىرتاقىسى ءوستى. عىلىم جانە جوعارى ءبىلىم ءمينيسترى ساياسات نۇربەك بۇل ءۇردىس جالعاسىپ، 2025 جىلعا دەيىن ستۋدەنتتەردىڭ شاكىرتاقىسى تاعى دا وسەتىنىن حابارلادى، دەپ جازادى "ادىرنا" ۇلتتىق پورتالى.
"وسى مۇمكىندىكتەر ساقتالادى. 2025 جىلعا دەيىن شاكىرتاقىنى وسىرەمىز. كەلەسى قىركۇيەكتەن باستاپ تاعى 15%-كە، 20%-كە. ماقساتىمىز – وقىتۋشىلارىمىزدىڭ، پروفەسسورلارىمىزدىڭ، Ph-دوكتورانتتارىمىزدىڭ، ستۋدەنتتەرىمىزدىڭ شاكىرتاقىلارىن ءوسىرىپ، ەڭبەك نارىعىنداعى ورتاشا جانە جوعارى دەڭگەيگە كەلتىرۋ. نەگە دەسەڭىزدەر، قازىر ۇستازداردىڭ جالاقىسى ءوستى. ءبىز سوڭعى ەكى جىلدا 3 مىڭنان استام پروفەسسورىمىزدى جوعالتىپ الدىق. ولار مەكتەپتەرگە كەتتى. سەبەبى مەكتەپتە جالاقى جاقسى", – دەدى ساياسات نۇربەك.
"ادىرنا" ۇلتتىق پورتالى
