«شىمكەنت جاستار ليگاسى” جەڭىمپازدارىنا اۆتوبكولىك تابىستالدى

1321
Adyrna.kz Telegram

"تاربيەلى، ءبىلىمدى، العىر ءارى دەنى ساۋ ۇرپاق – ەلىمىزدىڭ ەڭ قىمبات بايلىعى. جاستاردىڭ وقۋىمەن قاتار، سپورتپەن اينالىسۋىنا قولايلى جاعداي جاساۋ – مەملەكەتتىڭ باستى مىندەتى.

مەملەكەت باسشىسى قاسىم-جومارت توقاەۆ ءوزىنىڭ جولداۋىندا بۇقارالىق سپورتتى دامىتۋ ماسەلەسىنە اسا نازار اۋداردى.

وسى ورايدا، شىمكەنت قالاسىنىڭ اكىمى م.ايتەنوۆتىڭ باستامىسىمەن، جالپى ورتا ءبىلىم بەرۋ مەكەمەلەرى اراسىندا «شىمكەنت جاستار ليگاسى» باستالعان بولاتىن.

بيىل ءۇشىنشى رەت وتكىزىلىپ وتىرعان شارادا 6 مىڭعا جۋىق سپورتشى، ياعني 138 مەكتەپتەن 514 كوماندا قاتىسىپ، فۋتبول، باسكەتبول، ۆولەيبول، شاحماتتان باق سىناماق.

ءىىى ماۋسىمنىڭ اشىلۋ راسىمىنە قالا اكىمىنىڭ ءبىرىنشى ورىنباسارى ش.مۇقان، قالالىق ءماسليحات حاتشىسى ب.نارىمبەتوۆ، جۇلدە دەمەۋشىسى “ەنەرگوورتالىق-3” اق بيزنەس-سەرىكتەسى ش. نۋرتاەۆا مەن كورپوراتسيا مەنەدجەرى ش.نىسامبەكوۆا، سونداي-اق قوعام بەلسەندىلەرى، ۇستازدار مەن وقۋشىلار قاتىستى.

ءراسىمدى سالتاناتتى تۇردە اشقان قالا اكىمىنىڭ ءبىرىنشى ورىنباسارى ش.مۇقان
-شىمكەنت جاستار ليگاسى — رەسپۋبليكا بويىنشا ۇزدىك جوبا اتانىپ، كەڭ قولداۋعا يە بولدى.  بۇل جوبا جاستاردى پاتريوت، وتانسۇيگىش، ەلجاندى ەتىپ تاربيەلەۋگە سەپتىگىن تيگىزەدى. سپورت دەنساۋلىقتىڭ عانا كەپىلى ەمەس، ول ادامدى تاباندىلىق پەن كۇرەسكەرلىككە باۋلي وتىرىپ، ەرىك-جىگەرىن شىڭداي تۇسەدى.
قۇرمەتتى جاستار!
بۇگىندە مەملەكەت سىزدەردىڭ ساپالى ءبىلىم،  سانالى تاربيە ءارى باسەكەگە قابىلەتتى ازامات بولىپ وسۋلەرىڭىزگە قولايلى جاعداي جاساپ وتىر.
تەك سپورتتا عانا ەمەس، عىلىمدا، ونەردە جانە وزگە سالالاردا جۇزدەن جۇيرىك اتانىپ، ەلىمىزدىڭ ابىرويىن اسقاقتاتا بەرۋلەرىڭىزگە تىلەكتەسپىن! بۇكىل ەلىمىز سىزدەردەن زور ءۇمىت كۇتۋدە،-دەي كەلە جاستاردى ءبىلىم الۋمەن قاتار سالاۋاتتى ءومىر سالتىن ۇستانۋعا شاقىردى.

بۇگىن ءىىى ماۋسىمنىڭ سالتاناتتى اشىلۋىندا ءىى ماۋسىمنىڭ جۇلدەگەر مەكتەپتەرى ماراپاتتالدى. جەڭىمپاز 4 كومانداعا سۋ جاڭا اۆتوكولىكتىڭ كىلتتەرى تابىستالدى.

ايتىپ وتەيىك، بىلتىرعى دودادا شاحمات بويىنشا 4 اۋداننان 130 كوماندا، 520 وقۋشى قاتىسىپ، ومىربەك جولداسبەكوۆ اتىنداعى №9 IT مەكتەپ-ليتسەيى;

باسكەدبولدان 122 كوماندا، جالپى 1464 وقۋشى باق سىناسىپ، م.ح.دۋلاتي اتىنداعى №8 مەكتەپ – گيمنازياسى;

ال ۆولەيبولدان 129 كوماندا اراسىندا ءال-فارابي اتىنداعى №113 جالپى ورتا ءبىلىم بەرەتىن مەكتەبى;

فۋتبولدان 133 قۇراما كوماندا ىشىندە
ى.التىنسارين اتىنداعى №65 مەكتەپ-گيمنازياسى ءى-ورىنداردى يەلەنگەن بولاتىن.

 

پىكىرلەر