AMANAT پارتياسى پرەزيدەنتتىككە كانديدات رەتىندە قاسىم-جومارت توقاەۆتى ۇسىندى

1756
Adyrna.kz Telegram

بۇگىن ەلوردادا ءوتىپ جاتقان AMANAT پارتياسىنىڭ كەزەكتەن تىس XXIV سەزىندە پرەزيدەنتتىككە كانديدات رەتىندە قاسىم-جومارت توقاەۆ ۇسىنىلدى. بۇل تۋرالى  AMANAT پارتياسىنىڭ توراعاسى ەرلان قوشانوۆ حابارلادى، دەپ جازادى "ادىرنا" ۇلتتىق پورتالى. 

"مەملەكەت الدىنا تۇرعان ۇلى ماقساتتارعا قول جەتكىزۋ ءۇشىن بىزگە لايىقتى كوشباسشى كەرەك. سوندىقتان پرەزيدەنتتىك ۇمىتكەر رەتىندە قاسىم-جومارت كەمەلۇلى توقاەۆتى ۇسىنامىن. سەز دەلەگاتتارى ءبىراۋىزدان قولدايدى سەنەمىن. الداعى 20 قاراشا ەلىمىزدىڭ ساياسي ومىرىندە تاريحي وقيعا بولارى انىق. ءدال سول كۇنى قازاقستان حالقى ءوز تاڭداۋىن جاسايدى. بۇل سايلاۋ ادىلەتتى قازاقستاننىڭ باعىت باعدارىن ايقىندايدى", - دەدى ەرلان قوشانوۆ.

"ادىرنا" ۇلتتىق پورتالى 

پىكىرلەر