ەربول ماندىبەك سايلاۋعا قاتىساتىنى تۋرالى مالىمدەمەسىنە تۇسىنىكتەمە بەردى

2219
Adyrna.kz Telegram

بەلگىلى جۋرناليست ەربول ماندىبەك پرەزيدەنت سايلاۋىنا قاتىساتىنى تۋرالى مالىمدەمەسىنە تۇسىنىكتەمە بەردى، دەپ حابارلايدى «ادىرنا» ءتىلشىسى.

«ءتۇرلى ادامنان «ويباي، ەرەكە، ءسىز قالاي سايلاۋعا قوسىلايىن دەپ جاتسىز؟» دەگەن سۇراق كەلىپ جاتىر. بىرىنشىدەن، مەن قوسىلعان جوقپىن. تەك قانا سايلاۋعا قاتىسۋدىڭ ەرەجەسىن، ءتارتىبىن ءبىلۋ ءۇشىن عانا كەڭەس سۇراعانىم راس. جاسىم 40-قا تولمادى، مەملەكەتتىك قىزمەتتە ىستەمەگەنمىن. ەلىمىزدىڭ زاڭدارىن وتە قاتتى قۇرمەتتەيمىن، سىيلايمىن. ەشقانداي وكپەم جوق. قۇدايعا شۇكىر، جاسپىز. الداعى ۋاقىتتا، مۇمكىن، وسىنداي ساياسي ناۋقاندارعا قاتىسا جاتارمىز. ال ازىرگە ەلدىڭ اماندىعىن، زاماننىڭ تىنىشتىعىن تىلەيمىن. سايلاۋدىڭ ءادىل وتەتىنىنە سەنەمىن»،—دەدى ول.

پىكىرلەر