"جاستاردى الەۋمەتتەندىر جانە وڭالتۋ" جوباسىنىڭ اياسىندا بەلگىلى فوتوگرافتاردىڭ قاتىسۋمەن شەبەرلىك ساعاتى وتۋدە. ءبىلىمدى يگەرۋ وففلاين فورماتتا ءجۇرىپ جاتىر.
ءال-فارابي اتىنداع قازاق ۇلتتىق ۋنيۆەرسيتەتىندە 23 قىركۇيەك كۇنى اسىلحان ءابدىرايىمۇلىنىڭ قاتىسۋىمەن ءبىر ايلىق شەبەرلىك ساعاتتىڭ اشىلۋى ءوتتى.
ودان بولەك ءىس شاراعا "الەمنىڭ ۇزدىك 10 فوتوگرافى" ساناتىنا ەنگەر سەرىك مۇقىشۇلى، دوسجان بالابەكۇلى، وڭعاربەك الحاروۆ، قاليعۇمار قابدەشوۆ تە بوي كورسەتىپ جاس بۋىنعا فوتوگرافيا سالسانىڭى قىر - cىرىن ۇيرەتۋدە. جاستارعا وسى ارقىلى قالاي كاسىپ باستاۋعا بولاتىنىن ايتىپ، جاڭا باستاماعا جەلەۋ بولۋدا.
"بولار بالانىڭ بەتىن قاقپا بەلىن بۋ دەگەن. سىرت كوزگە سۋرەتكە تۇسىرە سالۋ وڭاي كورىنگەنىمەن، ونى ۇناتقان جان بولسا، ۇلكەەن قاجىرلى ەڭبەك جاتىر. نەگە دەسەڭىز فوتوگراف اۋەلى سابىرلى بولۋى ءتيىس. سوندا عانا ونىڭ جۇمىسى ءونىمدى بولادى" دەدى اسىلحان ءابدىرايىمۇلى.
سونىمەن قاتار وسى كۇنى قازاق فوتوجۋرناليستيكاسىندا العاش رەت «فوتوجۋرناليست انىقتامالىعى» وقۋ انىقتامالىق سوزدىگىنىڭ تۇساۋى كەسىلگەلى وتىر. بۇل انىقتامالىق فوتوجۋرناليستەرگە ارنالعان پراكتيكالىق نۇسقاۋلىق. مۇنداعى تاقىرىپتار بەلگىلى ءبىر جۇيە بويىنشا تۇزىلگەن، فوتوگرافيا تۋرالى انىقتاما مالىمەتتەردى، ونىڭ نەگىزگى قاعيداتتارى مەن ادىستەرىن قامتيدى، فوتوپۋبليتسيستيكانىڭ باق-تاعى جۇمىس تەحنولوگياسىنا باسا نازار اۋدارادى. سونىمەن قاتار بۇل انىقتامالىقتا وتاندىق جانە الەمدىك فوتوجۋرناليستيكا تۋرالى ماڭىزدى مالىمەتتەر كەلتىرىلگەن.
