استانا قالاسىنىڭ اكىمدىگى قارتتار كۇنىنە وراي 91 672 زەينەتكەردىڭ بىرجولعى الەۋمەتتىك تولەم الاتىنىن مالىمدەدى، دەپ حابارلايدى «ادىرنا» ءتىلشىسى.
«1 قازان- قارتتار كۇنىنە وراي جاسى بويىنشا 91 672 زەينەتكەرگە جانە زەينەتكەرلىك جاستاعى ادامدارعا زەينەتاقىنىڭ ەڭ تومەنگى مولشەرىن الۋشىلار قاتارىنان 2,5 اەك (7950 تەڭگە) مولشەرىندە بىرجولعى الەۋمەتتىك كومەك كوزدەلگەن. تولەمدەردىڭ جالپى سوماسى 730 ملن. تەڭگەنى قۇرايدى.
تولەم "ازاماتتارعا ارنالعان ۇكىمەت" مەملەكەتتىك كورپوراتسياسى" كوممەرتسيالىق ەمەس اكتسيونەرلىك قوعامىنىڭ استانا قالاسى بويىنشا فيليالى – "الەۋمەتتىك تولەمدەردى ۆەدومستۆوارالىق ەسەپتەۋ ورتالىعى" دەپارتامەنتىنىڭ تىزىمدەرى نەگىزىندە استانادا تىركەلگەن جانە تۇراقتى تۇراتىن جاسىنا بايلانىستى زەينەتاقى الۋشىلارعا جۇرگىزىلەدى»،—دەدى ۆەدومستۆو.
ايتا كەتۋ كەرەك، تولەمدەر 3 قازانعا دەيىن جۇزەگە اسىرىلادى.
