ءانشى تورەعالي تورەالىگە قاتىستى قىلمىستىق ءىس قوزعالدى. بۇل تۋرالى الماتى وبلىسىنىڭ پوليتسياسى مالىمدەدى، دەپ حابارلايدى «ادىرنا» ءتىلشىسى.
وقيعا 28 قىركۇيەك كۇنى الماتى وبلىسى، كەگەن اۋدانىندا ورنالاسقان «كولساي كولدەرى» ۇلتتىق ساياباعىنىڭ اۋماعىندا بولعان.
«قۇقىق بۇزۋشىلىق قر قك-ءنىڭ 293-بابىندا كوزدەلگەن قىلمىس قۇرامىنىڭ بەلگىلەرى بويىنشا تىركەلدى. قر زاڭناماسىنا سايكەس، بارلىق قاجەتتى ساراپتامالىق زەرتتەۋلەر جۇرگىزىپ، وقيعانىڭ شىنايى ءمان-جايلارىن انىقتالاتىن بولادى. قىلمىستىق ءىستى تەرگەۋ بارىسى مەن ناتيجەلەرى الماتى وبلىسى پوليتسيا دەپارتامەنت باسشىلىعىنىڭ باقىلاۋىنا الىندى»،— دەلىنگەن حابارلامادا.
ايتا كەتەيىك، بۇعان دەيىن الەۋمەتتىك جەلىدە ونەر يەسىنىڭ توبەلەس شىعارعان ۆيدەوسى تاراعان ەدى.
