پرەزيدەنت قاسىم-جومارت توقاەۆ ءوزىنىڭ قازاقستان حالقىنا جولداۋىندا: «اۆتوجول قۇرىلىسىنا، سونىڭ ىشىندە جەرگىلىكتى جولداردىڭ ساپاسىنا باسا ءمان بەرۋ كەرەك»،دەگەن ەدى. بۇگىنگى كۇنى پرەزيدەنتتىڭ پارمەنى بويىنشا ۇلكەن الماتى اينالما اۆتوموبيل جولىنىڭ ء(ۇاااج) قۇرىلىسى اياقتالۋعا جاقىن قالدى، دەپ حابارلايدى "ادىرنا" ءتىلشىسى.
بۇگىندە اتالعان جولدىڭ قۇرىلىسى 85 پايىزعا اياقتالعان.
نەگىزگى ۇلكەن الماتى اينالما اۆتوموبيل جولىنىڭ ۇزىندىعى 66 شاقىرىمدى قۇرايدى. سونىڭ 50 شاقىرىمىنا سوڭعى اسفالت قاباتى توسەلگەن.
بۇگىندە اسفالتبەتون قاباتتارىن توسەۋ جۇمىستارى مىناداي رەتپەن ورىندالدى:
كەۋەكتى اسفالتبەتون قاباتى - 64,27 شاقىرىم;
تىعىز اسفالتبەتون قاباتى - 64,19 شاقىرىم;
موديفيكاتسيالانعان پوليمەرلى بيتۋممەن قيىرشىقتاس-ماستيكا اسفالت قاباتى - 50,26 شاقىرىم.
ەكى جاقتى قوزعالىستىڭ بارلىق ەنى بويىنشا جۇمىس اياقتالعانى اتاپ ءوتىلدى. ول تاسجولدىڭ بۇكىل ۇزىندىعى بويىنشا اياقتالعان.
ەرەكشەلىك - تەك 45-تەن 47-شاقىرىمعا دەيىنگى ۋچاسكە. سونداي-اق، ءۇش جولايرىقتىڭ شىعابەرىسىنە ءالى اسفالت توسەلمەگەن:
ءۇاااج الماتى - بىشكەك تاسجولى قيىلىسىندا;
ءۇاااج الماتى - شامالعان تاسجولى قيىلىسىندا;
ءۇاااج كومسومول - جاپەك باتىر تاسجولى قيىلىسىندا.
ءۇاااج سالىناتىن 40 جولايىرىق پەن كوپىرگە كەلەتىن بولساق، ولاردىڭ ءبارى دەرلىك سالىندى.
"39 ۋچاسكەدە قۇرىلىس-مونتاج جۇمىستارى اياقتالدى. ونىڭ ىشىندە 36 ۋچاسكەدە اسفالتبەتون جابىنىن توسەۋ بويىنشا جۇمىستار ورىندالدى. جەتى جولايرىقتىڭ بارىندە جول وتپەلەرىن (جولايرىقتان تۇسكەن جەردەگى تاسجولمەن قوسىندى) سالۋ جۇمىستارى اياقتالدى. ءۇش جولايرىقتا وتپەلەر سالۋ جۇمىستارى جۇرگىزىلىپ جاتىر. قالعان ءتورت وتپەنىڭ قۇرىلىسى اياقتالدى، وندا اباتتاندىرۋ جۇمىستارى جۇرگىزىلىپ جاتىر. جولايىرىقتار بويىنشا جۇمىستاردى ورىنداۋ - 90 پايىز. جالپى، ءۇاااج جوباسىنىڭ ءوزى بۇگىندە 85 پايىزعا دايىن", - دەدى كومپانيا وكىلدەرى.
