“بىزدە قۋاتتى قارۋدىڭ ءبارى بار”: پۋتين يادرولىق قارۋدى قولدانۋى مۇمكىن ەكەنىن ايتتى

2775
Adyrna.kz Telegram

ۆلاديمير پۋتين رەسەي حالقىنا ۇندەۋ جولداپ، ەلدىڭ تۇتاستىعىن قورعاۋ ءۇشىن قولدا بار مۇمكىندىكتى پايدالانۋعا دايىن ەكەنىن مالىمدەدى. ول اقش، ۇلىبريتانيا مەن ەۋروپا وداعىنىڭ ۋكراينانى رەسەيگە قارسى اسكەري وپەراتسيا ۇيىمداستىرۋعا «يتەرمەلەپ»، «ماجبۇرلەپ» جاتقانىن ايتتى، دەپ حابارلايدى “ادىرنا” ۇلتتىق پورتالى.

“مەن ءبىزدىڭ ەلدە دە ءتۇرلى قىرىپ-جوياتىن قارۋلاردىڭ بار ەكەنىن ايتقىم كەلەدى. ال قارۋدىڭ جەكە قۇرامداس بولىكتەرىن ايتسام، ءبىزدىڭ قارۋ-جاراق ناتو ەلدەرىنە قاراعاندا قازىرگى زامانعا ساي ەتىپ جاسالعان. ءبىز ەلدى قورعاۋ ءۇشىن قولدا بار مۇمكىندىكتىڭ ءبارىن پايدالانامىز. بۇل – قوقان-لوققى ەمەس. رەسەي حالقى ەلىمىزدىڭ تەرريتوريالىق تۇتاستىعىنا، تاۋەلسىزدىگىمىز بەن ەگەمەندىگىمىزگە، ازاتتىعىمىزعا بەرىك سەنىمدى بولۋى كەرەك.

تاعى قايتالاپ ايتامىن، بىزدە قۋاتتى قارۋدىڭ ءبارى بار.  بىزدى يادرولىق قارۋمەن بوپسالاۋعا تىرىساتىن بولساڭىزدار تاياقتىڭ ەك ۇشى بار ەكەنىن ءبىلىپ جۇرىڭىزدەر”، –  دەدى ول.

ول سونداي-اق رەسەيدە ۋكراينامەن سوعىسقا بايلانىستى ءىشىنارا موبيليزاتسيا جاريالايتىنىن ايتتى.

”ادىرنا” ۇلتتىق پورتالى

پىكىرلەر