دارىگەردىڭ قاتەلىگىنەن زارداپ شەككەندەرگە وتەماقى تولەنەدى - مينيستر

2528
Adyrna.kz Telegram

ماجىلىستە دەنساۋلىق ساقتاۋ ءمينيسترى اجار عينيات "دەنساۋلىق ساقتاۋ ماسەلەلەرى بويىنشا كەيبىر زاڭنامالىق اكتىلەرگە وزگەرىستەر مەن تولىقتىرۋلار ەنگىزۋ تۋرالى" زاڭ جوباسىمەن  تانىستىردى، دەپ جازادى "ادىرنا" ۇلتتىق پورتالى stan.kz-كە سىلتەمە جاساپ.

"پاتسيەنتتەردىڭ مەملەكەت كەپىلدىك بەرەتىن قۇقىقتارىن ىسكە اسىرۋ ءۇشىن مەديتسينا قىزمەتكەرلەرىنىڭ كاسىبي جاۋاپكەرشىلىگىن ارتتىرۋ كەرەك. مىندەتتى ساقتاندىرۋ جۇيەسى كەزەڭ-كەزەڭىمەن ەنگىزىلەدى", – دەپ حابارلادى مينيستر.  

ونىڭ ايتۋىنشا، جىل سايىن ەلىمىزدە مەديتسينا قىزمەتكەرلەرىنە قاتىستى ءوز مىندەتتەرىن تيىسىنشە ورىنداماعانى ءۇشىن قىلمىستىق كودەكستىڭ “مەديتسينا نەمەسە فارماتسەۆتيكا جۇمىسكەرiنiڭ كاسiپتىك مiندەتتەرiن تيiسiنشە ورىنداماۋى” 317-بابى بويىنشا 300-گە جۋىق ءىس قوزعالادى. قىلمىستىق ىستەر كوبىنەسە حيرۋرگيا سالاسىنداعى ماماندارعا قاتىستى قوزعالعان.

"زارداپ شەككەندەرگە مورالدىق جانە ماتەريالدىق زالال وتەماقىسىنىڭ مولشەرى 40 ميلليون تەڭگەدەن استى. ساقتاندىرۋ تولەمدەرى سوتتىڭ شەشىمى بويىنشا ساقتاندىرۋ ءپوليسى بولعان كەزدە جۇزەگە اسىرىلادى. مەديتسينالىق ينتسيدەنت سالدارىنان تۋىنداعان زالالدى مەديتسينا قىزمەتكەرىنىڭ جالاقى دەڭگەيى وتەي المايدى",  – دەپ ءتۇسىندىردى عينيات.

مينيسترلىكتىڭ جوسپارى بويىنشا، مەديتسينالىق ۇيىمدار 2023 جىلدان باستاپ جەكە ساقتاندىرۋ كومپانيالارىمەن شارتتار جاسايدى. 2025 جىلدان باستاپ ورتاق نەگىزدە ساقتاندىرۋدى مەديتسينالىق ۇيىمدار مەن قىزمەتكەرلەر بولەدى. ساقتاندىرۋ شارتى ءبىر جىلعا جاسالادى، ونىڭ بارىسىندا ساقتاندىرۋ كومپانيا مەديتسينالىق جاعدايلار بويىنشا بارلىق تولەمدەردى جابادى.

اجار عينيات ناۋقاستىڭ تاڭداۋى بولاتىنىن ءتۇسىندىردى. ەگەر ول مەديتسينالىق ۇيىمنىڭ شەشىمىمەن جانە تولەم سوماسىمەن كەلىسپەسە، سوتقا جۇگىنە الادى.

مينيستر جوسپارلانعان وتەماقى كولەمىمەن ءبولىستى.

پاتسيەنتتىڭ ومىرىنە نەمەسە دەنساۋلىعىنا كەلتىرىلگەن زيان ءۇشىن:

  • ءولىم جاعدايى – 1000 اەك (2022 جىلى 3 ميلليون 180 مىڭ تەڭگە);
    ءبىرىنشى توپتاعى مۇگەدەكتىكتى بەلگىلەۋ – 800 اەك (2022 جىلى 2 ميلليون 544 مىڭ تەڭگە);

 

  • ەكىنشى توپ – 600 اەك (2022 جىلى 1 ميلليون 908 مىڭ تەڭگە);

 

  • ءۇشىنشى توپ – 500 اەك، "مۇگەدەك بالا" – 500 اەك (2022 جىلى 1 ميلليون 590 مىڭ تەڭگە);

 

  • مۇگەدەكتىك بەلگىلەنبەي، دەنساۋلىققا جاراقات سالۋ نەمەسە وزگە دە زاقىمدانۋ – پاتسيەنتتى امبۋلاتوريالىق نەمەسە ستاتسيونارلىق ەمدەۋدىڭ ناقتى شىعىستارى مولشەرىندە 300 اەك (2022 جىلى 954 مىڭ تەڭگە).

"ادىرنا" ۇلتتىق پورتالى

پىكىرلەر