ساياساتتانۋشى دانيار اشىمباەۆ قازاقستاندا كەزەكتەن تىس پرەزيدەنتتىك سايلاۋ قاشان وتەتىنە قاتىستى بولجام جاسادى، دەپ حابارلايدى "ادىرنا" ۇلتتىق پورتالى.
«اپتا وتە مازمۇندى بولماق: الەمدىك دىندەر سەزى، قىتاي توراعاسىنىڭ ساپارى جانە سامارقاندتاعى شىۇ ءسامميتى. قىزىق، كونستيتۋتسيانى رەفورمالاۋ، سايلاۋدى جاريالاۋ وسى جەرگە سىيا ما؟ ناۋقان 2 ايعا سوزىلۋى كەرەك، ال ەڭ ايقىن كۇندەر 20, 24 قاراشا جانە 4 جەلتوقسان", - دەپ جازدى ول ءوزىنىڭ تەلەگرام-ارناسىندا.
ەستەرىڭىزگە سالا كەتەيىك، توقاەۆ بيىل كۇزدە كەزەكتەن تىس پرەزيدەنت سايلاۋىن وتكىزەتىنىن حابارلادى. سونداي-اق ول پرەزيدەنت مانداتىن 7 جىلدىق ءبىر مەرزىممەن شەكتەۋدى ۇسىنعان بولاتىن.
"ادىرنا" ۇلتتىق پورتالى
