زەرەندىدە 104,5 گەكتار ورمان القابى ورتكە وراندى

1758
Adyrna.kz Telegram

اقمولا وبلىسىنىڭ زەرەندى اۋدانىندا بولعان ورمان ءورتىن سوندىرۋگە 200-گە جۋىق ادام جۇمىلدىرىلدى، ونىڭ ىشىندە ءورت سوندىرۋشىلەر، ورمانشىلار، ەرىكتى ءورت ءسوندىرۋ قۇرىلىمدارى، سونداي-اق ازاماتتىق قورعاۋ اكادەمياسىنىڭ كۋرسانتتارى بار. قازىرگى كەزدە ءورت بولعان اۋماق تەكسەرىلىپ جاتىر، دەپ جازادى "ادىرنا" ۇلتتىق پورتالى. 

وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنشە، ءورت بولعان اۋماققا ايماق باسشىسى ەرمەك مارجىقپاەۆ، تجد باستىعى نۇرلان اتىعاەۆ جانە پب باستىعى دۋمان تاەۆ بولدى.

«قىركۇيەكتىڭ 3-ىندە ساعات 20:05-تە «كوكشەتاۋ» مەملەكەتتىك ۇلتتىق تابيعي پاركىنىڭ زەرەندى فيليالىندا ءورت شىققانى تۋرالى حابارلاندى. ايماق باسشىسىنىڭ تاپسىرماسى بويىنشا وبلىستىق جەدەل شتاب قۇرىلدى. اتباسار، ساندىقتاۋ جانە زەرەندى ءورت ءسوندىرۋ بولىمدەرىنىڭ كۇشتەرى مەن قۇرالدارى تارتىلدى. سونداي-اق، كوكشەتاۋ قالاسىنىڭ ءورت ءسوندىرۋ بولىمدەرىنەن 30 ادام جىبەرىلدى. ساعات 00:00-دە ءورت اۋىزدىقتالدى. جاعداي باقىلاۋدا»، - دەپ ءتۇسىندىردى تجد باستىعى نۇرلان اتىعاەۆ.

دەپارتامەنت حابارلاۋىنشا، ءورت بولعان اۋماق 104,5 گا قۇرادى.

 

 

پوسموترەت ەتۋ پۋبليكاتسيۋ ۆ Instagram

 

پۋبليكاتسيا وت @sinegor.kz

src="//www.instagram.com/embed.js">

قازا بولعاندار مەن زارداپ شەككەندەر جوق. ءورتتىڭ شىعۋ سەبەبى انىقتالۋدا.

"ادىرنا" ۇلتتىق پورتالى 

 

پىكىرلەر